Qeveria, anulim kontratave koncesionare

Qeveria shqiptare ka ndërmarrë hapin e parë për të anuluar një nga kontratat më të rëndësishme në fushën e hidrokarbureve në vend, sektor ku kompanitë që operojnë, prej 10 vitesh, deklarojnë se dalin pa fitim.

Vizion Plus siguron shkresën zyrtare që Agjencia Kombëtare e Burimeve Natyrore i ka dërguar Ministrisë së Drejtësisë si dhe Avokaturës së Shtetit, ku i kërkon gjetjen e një kompanie konsulente e cila të ketë eksperiencë në fushën e arbitrazhit, pasi çështja e anulimit të kontratës rrezikon të përfundojë në drejtësinë ndërkombëtare.

Në shkresën e firmosur në datën 17 prill, nuk bëhet e ditur se kujt kompanie i referohet, por ajo që kërkohet është nevoja për një konsultim, me qëllim parapërgatitjen e shtetit shqiptar në rast të arbitrazhit të mundshëm.

Bëhet fjalë për të anuluar një marrëveshje koncesionare mes një kompanie me kapital të huaj dhe Albpetrol-it.

Aktualisht në tregun e hidrokarbureve operojnë dy kompani ?Bankers Petroleum? dhe ?Stream Oil?, ndërsa kompania e tretë ?Sherëood? është një degëzim i ?Bankers Petroleum?.

Ndaj revokimi i licencës bën fjalë për një nga dy kompanitë në treg.

Burime konfidenciale i thanë Vizion Plus-it se arsyeja e anulimit të koncesionit është se një prej kompanive nuk ka respektuar kontratën e nënshkruar.

Prej 10 vitesh buxheti i shtetit nuk përfiton asnjë lekë tatim fitimi nga kompanitë e naftës, pasi ato deklarohen pa fitim.

Të dhënat kanë treguar se kompania ?Bankers Petrolim? ka një prodhim ditor që shkon mesatarisht në 3 mijë tonë në ditë, sasi e cila shitet në tregun ndërkombëtar.

Nga ana tjetër të dhënat nga Albpetrol faktuan se në 8 vitet e fundit kompanitë kishin deklaruar shpenzime në shumë 1.5 miliardë dollarë, për të cilat nuk kishin mbetur fatura.

Vizion +

22:00 Ekonomi

Nga 1 Prilli, lista e re e ilaçeve të rimbursueshme

Duke filluar nga dita e nesërme, 1 prill, hyn në fuqi Lista ...

23:00 Ekonomi

INSTAT: ndryshon gjeografia e tregtisë të Shqipërisë

Sipas INSTAT-it, ka ndryshuar gjeografia e tregtisë të Shqip...

23:00 Ekonomi

Rritja e çmimit të energjisë, Bode: është e gabuar, 60% nuk paguhet

Në Komisionin Parlamentar të Ekonomisë deputët i kanë kërkua...

23:00 Ekonomi

Konfindustria: Paketa e re fiskale po nxit aktivitetin në të zezë

Paketa e re fiskale po përkeqëson aktivitetin ekonomik në ve...

22:22 Ekonomi

Financat: Fillojme shlyerjen e borxheve, ja listat e subjekteve

Ministria e Financës publikoi sot  listën e detyrimeve të pr...