web counter
LEXO PA REKLAMA!

SHKARKO APP

App Store
Google Play

E fundit!

x

Inteligjenca Artificiale në akuaponi, mundësitë dhe sfidat në Shqipëri

19 Shtator 2024, 16:53, Tech CNA

Inteligjenca Artificiale në akuaponi, mundësitë dhe sfidat

Sistemet e prodhimit të ushqimit që kombinojnë akuakulturën dhe hidroponinë apo të njohura si akuaponi kanë gjetur zbatim në shkallë eksperimentale apo të vogël në vendin tonë. Por duket se ashtu si edhe në botë, potenciali për zbatim në shkallë më të gjerë dhe me më shumë përfitim ekziston.

Pikërisht mundësitë, sfidat dhe përfitimet që vijnë nga integrimi i Inteligjencës Artificiale në këto sipërmarrje do të jenë pjesë e një aktiviteti të posaçëm që do të organizohet në vend i cili e trajton çështjen edhe në kontekst rajonal.

“Qëllimi i këtij aktiviteti është të ekzaminojë sfidat politike, të cilat autoritetet e qeverive në nivel kombëtar dhe rajonal, përballen përgjatë zhvillimit të akuaponisë, të cilat marrin një kuptim të veçantë në axhendat e përbashkëta territoriale.

Për më tepër, ky event do të jetë i hapur ndaj politikëbërësve, ekspertëve teknikë, sektorit privat dhe organizatave jofitimprurëse (OJF) nga vendet e Adriatikut Juglindor, si Shqipëria dhe Mali i Zi” nënvizoi Qendra Shqiptare për Mbrojtjen e Mjedisit dhe Zhvillimin e Qëndrueshëm e cila është pjesë e kësaj nisme dhe përfaqësuese e saj për Shqipërinë.

Sipas saj, ky workshop do të informojë pjesëmarrësit rreth state-of-the-art dhe trendeve në akuaponi, duke nxitur të mësuarin reciprok nëpërmjet bërjes publike të praktikave më të mira dhe eksperiencave në menaxhimin dhe zhvillimin e akuaponisë, pa harruar edhe aspektet ndërsektoriale.

Në mënyrë më specifike, lidhur me Shqipërinë dhe Malin e Zi, ky workshop do të jetë një mundësi për të identifikuar zonat kyçe në përmirësimin e mjedisit të biznesit për akuaponine – përfshirë këtu perspektivat për sektorin privat dhe ato nga OJF-ët, ndërsa do të vendoset në vëmendje të kuptuarit e oportuniteteve dhe sfidave të vendeve ku aplikohet akuaponia, lidhur kjo me koherencën politike për zhvillimit përkatës. Theksi do të vendoset gjithashtu në rrugëzgjidhjet inovative për zhvillimin e qëndrueshëm të akuakultures në vendet e Adriatikut Juglindor.

Aktiviteti ka në bazë eksperiencën e pesë organizatave që operojnë në Pulia, Molize, Shqipëri dhe Mal të Zi: Dhitech Technological District, Universiteti LUM “Giuseppe Degennaro”, Bashkimi Profesional i Peshkimit “Molise Costiero”, Qendra Shqiptare për Mbrojtjen e Mjedisit dhe Zhvillimin e Qëndrueshëm, bashkë me Dioqezën e Budimlje dhe Nikši? të Kishës Ortodokse Serbe, në Shqipëri që vijnë me projektin I-AM_Smart Aquaponics (Supporting Italy, Albania and Montenegro’s Smart Aquaponics initiatives), i cili ka si qëllim të siguroj strategji të përshtatshme, metodologji specifike dhe zgjidhje teknologjike në shfrytëzimin e mundësive rajonale dhe kombëtare, duke mundësuar që ndërmarrjet e vogla dhe të mesme të akuaponise të arrijnë potencialin e tyre të dëshiruar./ Monitor.al





Lajmet e fundit nga