Zhang fiton gjyqin kundër China Construction Bank, përfiton edhe Inter-i

15 Nëntor 2024, 10:35, Sport CNA

Zhang fiton gjyqin kundër China Construction Bank, përfiton edhe

Steven Zhang

Inter-i dhe Steven Zhang mund të buzëqeshin sërish.

Pas ndarjes së trazuar në verë, me Oaktree që sekuestroi klubin “zikaltër”, gjykata e Milanos ka vendosur në favor të ish-presidentit të Inter-it në betejën kundër kreditorëve të China Constructin Bank Asia.

Sipas “Calcio e Finanza”, në betejën ligjore me China Construction Bank Asia (CBBA), gjyqtarët Lombardë vendosën në favor të Zhang-ut dhe klubit.

Zhang

Çështja, e cila filloi në vitin 2022 për huanë e pashlyer prej 320 milionë dollarësh për China Construction Bank nga Zhang-u, iu dorëzua Gjykatës së Apelit të Milanos marsin e kaluar pas pranimit të apelit të China Construction Bank, duke vendosur të njohë vendimin e Hong Kongut.

Vendimi, në mënyrë specifike, raportonte indikacionet për të shlyer borxhin prej 255 milionë dollarë plus interesin prej 2.6 milionë dollarë deri më 2 gusht 2021 dhe më pas interesin vjetor të barabartë me 13% mbi 255 milion dollarët e mësipërm nga 3 gusht 2021 deri në datën e pagesës (rreth 30 milionë dollarë në vit).

Arsyeja pse China Construction Bank Asia donte të rikuperonte dëmet në asetet italiane të Zhang, niste nga paga si president i klubit “ziklatër”, që ish-numri një i Inter-it nuk e mori kurrë.

Sipas vlerësimeve të prokurorisë, paga e tij duhet të ishte barabartë me 914 mijë euro në vit. Për këtë arsye, China Construction Bank Asia kishte bërë një thirrje në Gjykatë, në korrik 2022 kundër vetë Zhang-ut dhe gjithashtu kundër Inter-it për anulimin e rezolutës me të cilën mbledhja e aksionerëve të klubit italian në 2019 miratoi përbërjen e Bordit të Drejtorëve dhe miratoi faktin që Zhang kishte hequr dorë nga kompensimi i tij si president.

Në veçanti, në fakt, Gjykatës iu kërkua "të deklaronte joefektivitetin" e heqjes dorë nga dëmshpërblimi dhe nga rezoluta e asamblesë, duke kërkuar gjithashtu "të konstatonte, të përcaktonte sasinë dhe të deklaronte shumën e kompensimit" për Zhang.

Çështja e drejtuar nga gjyqtarja Alima Zana ka arritur kështu në fund të saj.

Siç raportohet nga “Calcio e Finanza” nga dokumentet zyrtare, në veçanti, sipas Gjykatës, rezoluta e Inter-it nuk mund të sulmohet nga China Construction Bank Asia pasi në veçanti "me këtë rezolutë e drejta për kompensim ka mundsinë e zgjedhjes nga Presidenti për të mos marrë asnjë kompensim".

Gjyqtarët shfajësuan Zhang-un duke përjashtuar "qëllimin mashtrues të debitorit të pandehur”, i cili e gjeti veten në një kontekst ku mosmarrja e dëmshpërblimit korrespondonte me imazhin e Presidentit si një pozicion prestigjioz në vetvete.

Gjykata e Milanos rrëzoi përfundimisht kërkesat e China Construction Bank, duke e urdhëruar gjithashtu për rimbursimin e kostove ligjore prej rreth 11 mijë eurosh për secilën palë, për Inter-in dhe Zhang-un./CNA