E fundit!

14:40 Aktualitet

Nga pagat te banesa falas/ Trajtim financiar për familjarët e punonjësve të policisë të rënë në detyrë

Ministri i Brendshëm Besfort Lamallari ka bërë me dije se ...

U ftua nga Silvinjo, klubi reagon për sulmuesin. Mund të ketë mbyllur vitin

14 Nëntor 2024, 14:15, Sport CNA

U ftua nga Silvinjo, klubi reagon për sulmuesin. Mund të ketë

Nuk ka qetësi për Rei Manajn. Kur dukej se kishte hedhur pas krahëve problemet fizike dhe u rikthye të shkëlqejë me gola vendimtarë, një tjetër dëmtim ka prishur planet e sulmuesit.

Lojtari nga Lushnja rrezikon ta mbyllë vitin 2024 në infermieri. Sulmuesi shqiptar ishte ftuar në kombëtare për dy sfidat e Ligës së Kombeve ndaj Republikës Çeke dhe Ukrainës, por është detyruar të largohet për shkak të dëmtimit muskulor, që e kishte nga klubi i tij Sivaspor. Klubi turk, në një reagim të bërë së fundmi për gjendjen e lojtarit, ka konfirmuar se Manaj ka nevojë për një periudhë rehabilitimi të paktën nga 4 deri në 6 javë.

“Lojtari ynë Rey Manaj ka pësuar një dëmtim në muskulin e këmbës së djathë në ndeshjen ndaj Adana Demirspor të luajtur me 25 tetor. Atij iu diagnostikua një dëmtim muskulor gjatë testeve fizike, në përputhje me raportin e përgatitur nga doktori i klubit, në të cilin përcaktohej se Manajt i nevojitej një periudhë rehabilitimi prej të paktën 4-6 javësh.

Gjatë kësaj periudhe, lojtari ynë nuk mund të luante ndaj Rizespor dhe Fenerbahçes për shkak të këtij dëmtimi.Të premten, më 8 nëntor, klubi ynë informoi ekipin kombëtar të Shqipërisë rreth situatës aktuale të dëmtimit të lojtarit dhe i bëmë të ditur se nuk ishte në gjendje për t’u përzgjedhur për ndeshjet ndaj Çekisë dhe Ukrainës në Ligën e Kombeve.

Sportisti ynë, i cili u ftua në ekipin kombëtar për të bërë rehabilitimin, u hoq nga skuadra e Shqipërisë pasi mori një mjekim. Rey Manaj do të kthehet në Sivas në javën e ardhshme dhe të vazhdojë trajtimin e tij në ambientet e klubit”, thuhet në komunikatë.

Manaj pritet të jetë jashtë fushave të paktën deri në mesin e muajit dhjetor. Në rastin më të mirë, Manaj do luajë në një ose dy ndeshjet e fundit të kampionatit turk për këtë vit kalendarik.