web counter
LEXO PA REKLAMA!

SHKARKO APP

App Store
Google Play

E fundit!

x

“Tronditet” Interi, titullari detyrohet t’i nënshtrohet operacionit

16 Dhjetor 2025, 18:29, Sport CNA

“Tronditet” Interi, titullari detyrohet t’i nënshtrohet

Nuk ka qetësi për Denzel Dumfries te Interi. Nëpërmjet një komunikate zyrtare, klubi zikaltër bëri të ditur se Dumfries i është nënshtruar një ndërhyrjeje kirurgjikale në kyçin e këmbës së majtë, dëmtuar gjatë ndeshjes kundër Lazios, e zhvilluar më 9 nëntor. Operacioni u krye në Londër dhe ka qenë i suksesshëm.

Sipas vlerësimeve fillestare, ndërhyrja do ta mbajë jashtë fushave ish-lojtarin e PSV-së për një periudhë që pritet të zgjasë nga dy deri në tre muaj. Në njoftimin zyrtar, Interi ka bërë të ditur se Dumfries do të ndjekë një program të detajuar rehabilitimi në javët e ardhshme, me synimin për t’u rikthyer gradualisht në aktivitet.

Ky zhvillim hap disa skenarë për drejtuesit zikaltër, të cilët mund të vendosin të ndërhyjnë në merkato për të mbuluar mungesën në krahun e djathtë. Alternativat që po shqyrtohen janë dy: një zgjidhje e përkohshme, përmes huazimit të një lojtari, ose një investim i parakohshëm që mund të ishte planifikuar për merkaton e verës.

Pavarësisht dëmtimit, e ardhmja e Dumfries te Interi ka qenë e pasigurt edhe muajt e fundit. Vetëm pak kohë më parë, lojtari zyrtarizoi një tjetër ndryshim agjenti, duke kaluar nga Jorge Mendes te Ali Barat. Ky veprim është interpretuar si një sinjal i qartë se holandezi po shqyrton mundësi të reja për karrierën e tij. Që gjatë verës së kaluar, largimi i tij ishte një skenar i mundshëm, për shkak të klauzolës prej 25 milionë eurosh, ndërsa sezoni pozitiv i kaluar e kishte futur atë edhe në listën e 30 kandidatëve për Topin e Artë.





Lajmet e fundit nga