web counter
LEXO PA REKLAMA!

SHKARKO APP

App Store
Google Play

Surprizon Jasir Asani, ylli kuqezi “tundohet” nga milionat

23 Janar 2024, 10:30, Sport CNA

Jasir Asani është padyshim një nga lojtarët më të rëndësishëm të Kombëtares shqiptare, i cili dhuroi spektakël me paraqitjet dhe golat e tij në kualifikueset e "Euro 2024". 28-vjeçari ishte basti i fituar i Sylvinho-s, me shkupjanin që e nisi aventurën kuqezi në Varshavë përballë Polonisë.

Asani gjithashtu është një nga lojtarët më të rëndësishëm për ekipin e tij në Korenë e Jugut, Gwangju. Por performancat e tij duket se do t'i japin fund aventurës së shkupjanit me këta të fundit. Pikërisht për shkak të paraqitjeve me kuqezinjtë, ofertat në drejtim të tij nuk mungojnë. Në Spanjë, Las Palmas dhe Selta Vigo, janë vënë në “gjurmët” e ish-it të Partizanit, por jo vetëm kaq.

Duket se milionat e ofruara nga Arabia Saudite kanë “tunduar” Asanin. Me shumë gjasa sulmuesi i Kombëtares do të “refuzojë” kalimin në Evropë për milionat e ofruara nga arabët, teksa emri i skuadrës që do të sigurojë shërbimet e mëngjarashit ende nuk bëhet i ditur. Mbetet të shihet se çfarë do të ndodhë me idhullin e tifozëve kuqezi, me merkaton e janarit që është shumë “e zjarrtë” për të.





Lajmet e fundit nga