web counter
LEXO PA REKLAMA!

SHKARKO APP

App Store
Google Play

E fundit!

x

Skandali i basteve, pezullohen mbi 1 mijë lojtarë. Njëri luajti në Champions League

11 Nëntor 2025, 19:11, Sport CNA

Skandali i basteve, pezullohen mbi 1 mijë lojtarë. Njëri luajti

Futbolli turk po kalon një nga momentet më të vështira të viteve të fundit, pas një hetimi të gjerë mbi baste të paligjshme që ka përfshirë lojtarë dhe gjyqtarë në disa nivele të kampionatit. Federata Turke e Futbollit ka njoftuar pezullimin e mbi 1,000 lojtarëve, të cilët janë referuar në komisionin disiplinor, pasi dyshohet për përfshirje në baste sportive, një praktikë e ndaluar rreptësishtë nga rregullat e FIFA-s.

Mes të pezulluarve është edhe Eren Elmali, mbrojtësi 25-vjeçar i Galatasaray dhe pjesë e kombëtares turke. Ai ka qenë një nga titullarët e skuadrës në ndeshjet e këtij sezoni në Champions League. Elmali, në një deklaratë publikuar në rrjetet sociale, pranoi se kishte vendosur një bast rreth pesë vite më parë në një ndeshje që nuk kishte lidhje me skuadrën e tij. Lojtari u përjashtua nga grumbullimi i kombëtares për ndeshjet kualifikuese të Kupës së Botës ndaj Spanjës dhe Bullgarisë.

Në listën e Federatës ndodhet edhe një tjetër futbollist i Galatasaray, Metehan Baltaci, ndër 1,024 lojtarët e përfshirë në hetim. Ndërkohë, Federata Turke ka marrë vendimin që ndeshjet e kategorive të tretë dhe të katërt të pezullohen për dy javë, për të mundësuar zhvillimin e hetimeve. Ndeshjet në Superligë dhe në kategorinë e dytë do të vazhdojnë sipas kalendarit normal, për të shmangur prishjen e ecurisë së kampionatit.





Lajmet e fundit nga