web counter
LEXO PA REKLAMA!

SHKARKO APP

App Store
Google Play

E fundit!

x

Napoli i beson Contes, gati 50 milionë euro për merkaton

11 Nëntor 2025, 17:31, Sport CNA

Napoli i beson Contes, gati 50 milionë euro për merkaton

Napoli po përgatitet për lëvizje të rëndësishme në merkaton e janarit, me qëllimin për të dalë nga momenti i vështirë që po kalon dhe për t’i dhënë mbështetje maksimale trajnerit Antonio Conte. Presidenti Aurelio De Laurentiis ka miratuar një buxhet të rëndësishëm prej rreth 50 milionë eurosh, që do të vihet në dispozicion të drejtorit sportiv Manna dhe stafit teknik. Sipas raportimeve të “Il Mattino”, fondet janë gati dhe objektivat janë të qarta në disa reparte.

Prioriteti kryesor për Napolin është mbrojtja, konkretisht krahu i djathtë. Giovanni Di Lorenzo ka luajtur në mënyrë të vazhdueshme pa alternativa adekuate, dhe kjo ka ndikuar në lodhjen fizike të tij. Me formën e mirë të Gutierrez në krahun e majtë, Spinazzola mund të kthehet si alternativë në të djathtë, por klubi kërkon një zgjidhje të qëndrueshme.

Në mesfushë, Napoli kërkon të mbulojë mungesat e rëndësishme që do të shfaqen në muajt e ardhshëm. Anguissa do të jetë i angazhuar në Kupën e Afrikës, ndërsa Kevin De Bruyne pritet të mungojë deri në shkurt.

Në repartin ofensiv, drejtuesit e Napolit po vlerësojnë një mundësi të bujshme, nëse Liverpool do të lejojë huazimin e Federico Chiesës. Një lëvizje e tillë do t’i jepte Contes mundësinë të ndryshonte skemën taktike në 3-5-2, me qëllim që të aktivizojë në të njëjtën kohë Romelu Lukakun dhe Rasmus Hojlund, që pritet të rikthehet në fushë në fund të nëntorit.





Lajmet e fundit nga