web counter
LEXO PA REKLAMA!

SHKARKO APP

App Store
Google Play

Muçi jashtë listës, sulmuesi nuk e pret mirë vendimin e Silvinjos

11 Nëntor 2025, 15:29, Sport CNA

Muçi jashtë listës, sulmuesi nuk e pret mirë vendimin e

Ernest Muçi nuk do të jetë pjesë e Kombëtares shqiptare për dy ndeshjet ndeshjet e fundit për kualifikueset e Botërorit. Trajneri Silvinjo ka vendosur të mos e përfshijë mesfushorin e Trabzonsporit në listë për dy sfidat vendimtare të këtij muaji, duke e lënë për të dytin muaj radhazi jashtë skuadrës kuqezi.

Muçi ishte pjesë e planeve të Silvinjos deri në fund të gushtit, kur braziliani publikoi listën për miqësoren ndaj Gjibraltarit dhe ndeshjen kualifikuese ndaj Letonisë. Ai figuronte mes mesfushorëve të thirrur për ato përballje, por vetëm pak ditë më vonë, më 1 shtator, Federata Shqiptare e Futbollit njoftoi se lojtari nuk do të ishte i gatshëm për këto ndeshje.

Arsyeja lidhej me lëvizjet e fundit në karrierën e tij, pasi më 6 shtator u zyrtarizua kalimi i tij nga Beshiktash te Trabzonspori në formë huazimi.

Në prezantimin e tij te klubi i ri, Muçi deklaroi se ishte në gjendje të mirë fizike dhe i gatshëm për të dhënë maksimumin në sezonin e ri.

Megjithatë, që nga ajo periudhë, ai nuk është më përfshirë në asnjë grumbullim të Kombëtares, as në ndeshjet e tetorit dhe as në ato të këtij muaji. Kjo është hera e parë që gjatë drejtimit të Silvinjos, mesfushori 24-vjeçar qëndron për një kohë kaq të gjatë jashtë ekipit përfaqësues.

Me Trabzonsporin, Muçi ka regjistruar deri tani tetë paraqitje në të gjitha kompeticionet, me një total prej 333 minutash të luajtura. Në katër ndeshje ai ka qenë titullar, por ende nuk ka arritur të bëhet një lojtar kyç në formacionin e trajnerit. Klubi, megjithatë, vazhdon të shprehë besim tek aftësitë e tij, duke e konsideruar një element me potencial për pjesën e mbetur të sezonit.

Në Turqi, media sportive “61saat” ka raportuar se vendimi i Silvinjos për të mos e përfshirë në listën e Kombëtares ka qenë një surprizë për vetë lojtarin. Sipas shkrimit, Muçi është ndikuar nga ky përjashtim dhe nuk e kishte pritur një vendim të tillë, sidomos pasi ishte pjesë e rregullt e grumbullimeve të mëparshme.





Lajmet e fundit nga