web counter
LEXO PA REKLAMA!

SHKARKO APP

App Store
Google Play

Ronaldo refuzon të bëhet trajner në të ardhmen, fajin ia lë brezit të ri

13 Shtator 2024, 13:00, Sport CNA
Ronaldo refuzon të bëhet trajner në të ardhmen, fajin ia
Cristiano Ronaldo dhe Pepe, Portugalia

Prej kohësh ylli i kombëtares së Portugalisë, Cristiano Ronaldo, ka deklaruar se kur ta mbyllë me futbollin e luajtur nuk dëshiron që të bëhet trajner.

Së fundmi ai ka sqaruar edhe arsyen e vërtetë pse nuk do që ta vazhdojë rrugëtimin e tij në rolin e trajnerit.

“Për mua do të jetë e vështirë që të bëhem trajner një ditë sepse kjo gjeneratë nuk ka të njëjtin pasion që kishim ne. Është e vështirë të bëhesh trajner në këtë moment sepse lojtarët tashmë nuk pranojnë këshilla nga ne që kemi më shumë eksperiencë. Ata mendojnë se dinë gjithçka, ata mendojnë se telefonat do t’i dhurojnë një edukim të mirë, 'TikTok'-u, 'Instagrami'”, - tha fillimisht Ronaldo përmes kanalit të tij në “YouTube”.

Më tej, ndërsa sqaron prioritetet tij, portugezi thekson se pas tërheqjes nga futbolli është momenti që ai të fokusohet nga biznesi.

“Unë kam gjëra tjera për t’u shqetësuar, një tjetër kapitull në jetën time është pjesa e biznesit për të cilën jam i emocionuar. Do të jetë një mision për mua që të mësojë fusha të tjera të cilat nuk i di, të jem i përfshirë në bizneset e mia dhe mendoj se do jetë diçka e mirë”,-përfundoi sulmuesi.

Pesë herë fituesi i “Topit të Artë” do të mbushë 40 vjeç në muajin shkurt, por me ambiciet që ka për të luajtur me djalin e tij, Ronaldo nuk e ka në plan që të tërhiqet tani afër nga futbolli./CNA





Lajmet e fundit nga