web counter
LEXO PA REKLAMA!

SHKARKO APP

App Store
Google Play

Roma merr fitoren e dytë radhazi, Como mposht Verona-n

29 Shtator 2024, 16:55, Sport CNA
Roma merr fitoren e dytë radhazi, Como mposht Verona-n
Roma, Burimi: Flashscore

Roma merr fitoren e dytë radhazi në Serie A, ndërsa mposht me përmbysje Venezia-n me rezultatin 2-1 në takimin e javës së gjashtë. Takimi i luajtur në “Olimpico” u zhbllokua në minutën e 44’, kur Pohjanpalo kaloi miqtë në avantazh.

Skuadra e trajnerit Juriç arriti të barazojë në pjesën e dytë, më saktë në minutën e 74’ me Cristante-n. Ndërsa në minutën e 83’ Pisilli përmbysi rezultatin dhe i dha fitoren skuadrës së Roma-s.

Pas javës së gjashtë, Roma ngjitet në vend të nëntë me nëntë pikë, teksa Venezia renditet në vend të 18-të me katër pikë.

Ndërkohë, në ndeshjen tjetër të kësaj të pasdites së kësaj të diele, Como mori 3 pikët në fitoren 3-2 ndaj Verona-s, me këta të fundit që e mbyllën sfidën me dhjetë lojtarë.

Cutrone zhbllokoi takimin dhe kaloi vendasit në avantazh me golin e minutës së 43’, me pjesën e parë që përfundoi me rezultatin 1-0.

Ndërsa në fraksionin mbyllës nga të dyja skuadrat u realizuan katër gola. Për Como-n shënuan Cutrone në minutën e 72’ dhe Belotti në minutën e 89’.

Ndërsa për miqtë rrugën drej rrjetës e gjetën, Lazovic që shënoi me penallti në minutën e 53’ dhe Lambourde në minutën e 90+4’.

Verona e mbylli këtë ndeshje me dhjetë lojtarë, pasi Suslov mori kartonin e dytë të verdhë në minutën e 64’. 3-2 dhe Como renditet në vend të nëntë me tetë pikë, teksa Verona në vend të 14-të me gjashtë pikë./CNA





Lajmet e fundit nga