web counter
LEXO PA REKLAMA!

SHKARKO APP

App Store
Google Play

Derbi i Madridit, Atletico-Real premtojnë spektakël këtë të diel në “Metropolitano”

29 Shtator 2024, 11:28, Sport CNA
Derbi i Madridit, Atletico-Real premtojnë spektakël këtë
Atletico-Real, Burimi: Flashscore

Derbi i Madridit, Atletico-Real, pritet të dhurojë spektakël këtë të diel në La Liga.

Dy rivalët e përjetshëm të kryeqytetit të Spanjës vihen përballë njëri-tjetrit për herë të parë këtë sezon, në javën e tetë të La Liga-s.

Skuadra e Diego Simeone-s vjen në këtë takim pas fitores ndaj Celta Vigo-s dhe do tentojë të ruajë ecurinë pozitive.

Ekipi i Carlo Ancelotti-t nga ana tjetër ka një ecuri prej katër javësh vetëm fitore dhe do tëë tentojë që të mbajë të njëjtin trend.

Nëse do t’u referohemi statistikave, këto dy skuadra janë vënë përballë në La Liga plot 174 herë, nga të cilat 41 i ka fituar Atletico, 42 janë barazime dhe 91 i ka fituar ekipi i Real-it.

Ndërkohë, në pesë takimet e fundit të luajtura mes tyre në La Liga, dy i kanë fituar “colchoneros”, dy kanë dalë barazim dhe një e kanë fituar “Los Blancos”.

Nëse do të shohim se si janë gjendjet e dy ekipeve para derbit, tek Atletico kanë vetëm dy mungesa prej dëmtimeve, Azpilicueta dhe Barrios.

Nga ana tjetër, te Real-i vuajnë mungesat e Alaba, Ceballos, Brahim Diaz dhe Kylian Mbappe.

Me sfidën që nis në orën 21:00 në “Metropolitano Stadium”, mbetet për t’u parë se çfarë do të na “servirë” ky derbi i Madridit./CNA





Lajmet e fundit nga