web counter
LEXO PA REKLAMA!

SHKARKO APP

App Store
Google Play

E fundit!

x

Rikthim në shtëpi, Barcelona do të luajë në “Cam Nou” ndaj Bilbaos

17 Nëntor 2025, 18:00, Sport CNA

Rikthim në shtëpi, Barcelona do të luajë në “Cam

Barcelona do të rikthehet këtë fundjavë në stadiumin e saj historik, “Camp Nou”, pas një ndërprerjeje që ka zgjatur më shumë se dy vite e gjysmë. Që prej vitit 2023, skuadra katalanase është detyruar të zhvillojë ndeshjet e saj në stadiumin olimpik, si pasojë e procesit të rindërtimit dhe rimodelimit të “Camp Nou”-t.

Disa data të parashikuara më herët për rikthimin nuk u realizuan. Fillimisht, Barcelona shpresonte të hapte stadiumin për Trofeun “Joan Gamper”, e më pas për sfidën e kampionatit ndaj Valencias, por pengesat teknike dhe proceduriale vonuan rihapjen. Tashmë, klubi ka marrë të gjitha lejet e nevojshme dhe ka konfirmuar se ndeshja e javës së 13-të të kampionatit, ajo kundër Athletic Bilbaos, do të zhvillohet më 22 nëntor në “Camp Nou”.

Leja e dhënë autorizon hapjen pjesërisht të stadiumit, pasi punimet vijojnë ende në disa sektorë. Sipas vlerësimeve teknike, kapaciteti i sigurt për publikun në këtë fazë është 45 mijë e 401 spektatorë. Ky është numri maksimal që mund të akomodohet në zonat që konsiderohen plotësisht të përfunduara dhe të certifikuara për përdorim.

Klubi synon që ndeshja kundër Bilbaos të shërbejë si test për rihapjen graduale të impiantit edhe për sfidat e tjera. Ndër objektivat është edhe zhvillimi i ndeshjes së Ligës së Kampioneve kundër Eintracht Frankfurt, e planifikuar për më 9 dhjetor.





Lajmet e fundit nga