web counter
LEXO PA REKLAMA!

SHKARKO APP

App Store
Google Play

Neymar, lojtar dhe president/ Ylli brazilian pritet të marrë klubin e njohur në pronësinë e tij

10 Prill 2024, 16:50, Sport CNA

Neymar, lojtar dhe president/ Ylli brazilian pritet të marrë klubin e

Përveçse si futbollist, nga viti i ardhshëm, brazilianin, Neymar, mund ta shohim edhe në rolin e presidentit të një klubi.

Sipas raportimeve të fundit, thuhet se sulmuesi pritet të marrë në pronësinë e tij, Santosin. Klubi brazilian, ndodhet në vështirësi të mëdha, për shkak të borxheve, që kanë shkuar në shifrën e 130 milionë eurove dhe rrezikojnë falimentin.

Neymar, thuhet se po mendon të blejë klubin së bashku me babain e tij. Santos, ra sezonin e kaluar nga elita e futbollit në Brazil, për herë të parë në histoRi të klubit.

Teksa skuadra po përgatitet të luajë për herë të parë në kategorinë e dytë të futbollit brazilian, e ardhmja e klubit është në pikëpyetje për shkak të një borxhi të madh.

Drejtuesit po kërkojnë një shpëtimtar dhe ai mund të jetë Neymar, lojtar i cili u bë i njohur pikërisht te skuadra e Snatosit.

Neymar synon të bëjë të njëjtën gjë siç bëri ish-sulmuesi legjendar, Ronaldo Nazario me Cruzeiron në vitin 2021. “Fenomeni” e bleu klubin pasi zbriti në kategorinë e dytë për 80 milionë euro,  ndërsa mori 90 për qind të aksioneve dhe vetëm nëntë muaj më vonë e ktheu skuadrën në një rang më të lartë.

Neymar aktualisht ka një kontratë në Arabinë Saudite, nga e cila fiton 100 milionë euro në sezon tek Al Hilal, aty ku do të largohet në verën e vitit 2025. Gjithashtu, 32-vjeçari ka bërë të ditur se pas largimit nga Al Hilali, do të rikthehet të luajë te Santosi, ku me shumë mundësi, do të jetë edhe lojtar edhe president i klubit.





Lajmet e fundit nga