web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimi i stadiumit me Serbinë, Duka: Pranuam në Leskovac për një arsye

16 Shtator 2025, 00:03, Sport CNA

Ndryshimi i stadiumit me Serbinë, Duka: Pranuam në Leskovac për

Presidenti i Federatës së Futbollit, Armand Duka, foli në emisionin “Opinion” të Blendi Fevziut, për ndeshjen e radhës me Serbinë.

Kreu i futbollit deklaroi se Shqipëria pranoi që ndeshja të zhvendosej nga Beogradi në Leskovac, pasi e shikon si avantazh.

Ndër të tjera, Duka theksoi se duhet menduar vetëm për ndeshjen dhe për asgjë tjetër.

“Ndeshja me Serbinë? Vendoset nga FIFA se ku do të zhvillohet. Federata e Serbisë kishte vendosur që ndeshja të zhvillohej në Beograd, në stadiumin e Crvena Zvezdës. Por pas ndeshjes me Anglinë, ndikuan faktorët politikë dhe serbët Federata serbe panë që nuk do ta përballojnë dhe ta mbajnë nën kontroll. Kemi vendosur të luajmë në Leskovac, stadium me 8 mijë vende. Është më i kontrolluar, besoj do të jetë më mirë nga ana organizative për ta.

Me tifozë apo jo? Ka raporte jo të mira për ndeshjen e fundit me Anglinë, por nuk do të thotë që automatikisht do të dënohet për ta luajtur pa tifozë.

Leskovac apo Beograd, ku është më mirë?Përderisa e kemi pranuar.... Në Leskovac do të ketë më pak tifozë. Tifozë shqiptarë? Ne nuk kemi pranuar tifozë serbë në Shqipëri dhe e njëjta gjë edhe atje. Ne do të udhëtojm më 10 tetor mes Nikshit dhe Leskovacit. Më pas do të kthehemi për Jordaninë. Siç thatë ju është një ndeshje e rëndësishme për klasifikimin, s’duhen menduar gjërat e tjera.

Ekipi? Është herët akoma, futbollistët s’kanë eksperiencën që të ndajnë gjërat. Gjibraltari ishte ndeshje miqësore, ekip eksperimental dhe kishim futbollistë debutues”, deklaroi Duka.





Lajmet e fundit nga