SHQIPËRI-SERBI/ Sfida në “Air Albania”, çfarë ndodhi në kohë reale

7 Qershor 2025, 20:38, Sport CNA

SHQIPËRI-SERBI/ Sfida në “Air Albania”, çfarë

Kombëtarja shqiptare luan një nga ndeshjet më të rëndësishme të viteve të fundit, në kuadër të kualifikueseve për Kupën e Botës. Kuqezinjtë do të përballen me Serbinë, në një sfidë që mbart vlera të mëdha sportive dhe jo vetëm.

Ndeshja e parë mes Shqipërisë dhe Serbisë u zhvillua në vitin 2014 në Beograd dhe u ndërpre për shkak të incidenteve ku tifozët u futën në fushë dhe sulmuan lojtarët shqiptarë.

Shqipëria vjen në këtë përballje pas dy ndeshjeve në grup, me një fitore dhe një humbje në ndeshjet e para. Fitorja ka ardhur në shtëpi kundër Andorrës me rezultatin 3-0, ndërsa humbja është regjistruar në transfertë ndaj Anglisë.

Më poshtë mund të ndiqni çfarë ndodh në kohë reale nga ndeshja.

SHQIPËRI-SERBI 0-0

KOMENTI LIVE:

Mbyllet ndeshja.

92’- Bajrami gabon sërish. Futbollisti kuqezi nuk pason si duhet në zonë dhe i jep mundësinë serbëve për një kundërsulm.

72’- E pabesueshme çfarë ka humbur Nedim Bajrami. Fantazisti kuqezi mori një top të shkëlqyer në zonë, por gjuajta e tij ishte shumë e dobët dhe shkoi në duart e portierit.

62’- Dy zëvendësime te Shqipëria. Largohen Manaj dhe Hoxha, për t’i lënë vendin Bajramit dhe Dakut.

53’- Pranë golit serbët me një gjuajtje me kokë të Terzic, por pret Strakosha me një hedhje spektakolare.

48’- Rast i artë shënimi për Shqipërinë. Broja shpërthen nga e djathta dhe futet në zonë. Pasimi i tij nuk shfrytëzohet si duhet.

46’- Mundësi e shpërdoruar. Penalltia e Rey Manajt pritet nga portieri Petrovic.

45’- Penallti për Shqipërinë. Një depërtim i shkëlqyer nga Hysaj, i cili pason në zonë dhe në tentativën e dytë merr një goditje të gabuar në zonë dhe fiton 11 metërsh. Mundësi e artë për Shqipërinë.

43’- Provon Arlind Ajeti me një gjuajtje me kokë, e cila nuk sjell asnjë rrezik për portën kundërshtare.

36’- Krosim i Hoxhës nga e djathta, për Manajn në zonë. Gjuajtja e sulmuesit me kokë shkon jashtë.

30’- Shpërthim i Brojës nga krahu i djathtë. Dy ndërhyrje ndaj sulmuesit, i cili rrëzohet, por arbitri nuk akordon faull.

21’- Mundësi e mirë për Serbinë, por Vlahovic gabon gjithçka me gjuajtjen në momentin e fundit.

19’- Ndëshkohet me karton te verdhë edhe Berat Gjimshiti. Ndërhyrja ndaj Vlahovic në afërsi të zonës, i kushton kartonin mbrojtësit shqiptar.

15’- Vjen karton i verdhë. Pavlovic ndal Brojën në mënyrë të parregullt dhe ndëshkohet.

11’- Vjen shkëndija e parë nga Shqipëria. Mitaj lëshon një gjuajtje të fortë nga jashtë zone, por grushton portieri Petrovic. Minuta të mira për kuqezinjtë.

6’- Zivkovic provon me një gjuajtje nga jashtë zone, Strakosha e devijon në këndore.

1’- Shqipëria merr iniciativën e para. Shehu provon me një gjuajtje nga jashtë zone, por topi shkon larg portës.

1’- Nis sfida. Luhet vetëm për fitore.