LIVE PARTIZANI-TIRANA/ Staron derbi, çfarë ndodh në "Air Albania"

6 Mars 2023, 19:00, Sport CNA

E gjithë vëmendja është aty. Partizani dhe Tirana përplasin “brirët” në stadiumin “Air Albania”. Trajnerët Giovani Colella dhe Orges Shehi kanë vendosur për titullarët që do të zbresin në fushë.

Nuk do të ketë surpriza në këtë supersfidë të javës së 24-të të Superiores, me të dy trajnerët që kanë zgjedhur 11-shet e tyre. Mund të veçohet Bekim Rexhepi që është preferuar sërish në derbi para Alban Hoxhës. Pavarësisht se gaboi në ndeshjen e fazës së parë kundër bardhebluve, “gardiani” i të kuqve do të jetë në portë kundër bardhebluve.

LIVE PARTIZANI-TIRANA 2-0

Mba 20', Cara 80'

KOMENTI LIVE

81′ GOOOL PARTIZANI. Shënon Cara. Pasim mbrapa i gabuar i Behiratçe dhe Cara i sapofutur në lojë dërgon topin në rrjetë me thembër.

75’ Gjyqtari ndal përsëri ndeshjen pasi tymi në stadium bën të pamundur të vijohet me lojën.

74’ Hadroj dëmtohet pas një ndërhyrje ndaj Patrik.

72’ Rrapaj i lë vendin Hotit në fushën e lojës te Partizani.

67’ Nikqi merr vendin e Lulajt në fushën e lojës për Tiranën.

65’ Bekaj pret penalltinë e Telushit.

63’ Penallti për Partizanin. Mba hyn në zonë dhe pason te Rrapaj, i cili ndalet nga Najdovski i cili ndëshkohet edhe me të verdhë.

61’ Pas një harkimi nga e djathta, topi shkon te Delu i cili gjuan por nuk gjen portën e Partizanit.

60’ Predhë e Telushit nga distanca në ekzekutimin e një goditje dënimi, topi përfundon jashtë katërkëndorit të Bekajt.

52’ Ndërpritet përsëri ndeshja për shkak të tymit të krijuar nga fishekzjarrët.

49’ Patrik lëshon një gjuajtje të fortë drejt portës, Rexhepi grushton e Hasani gjuan duke tundur rrjetën, por më pas sinjalizohet në pozicion jashtë loje, i konfirmuar edhe nga VAR-i.

47’ Rrapaj lëshon një gjuajtje të fortë tokazi drejt portës së Bekajt në një goditje dënimi, portieri kontrollon.

46’ Nis pjesa e dytë e ndeshjes me shkelmimin nga qendra të të kuqve.

45’+6′ Mbyllet pjesa e parë me avantazhin 1-0 të Partizanit.

41’ Anulohet penallti për Tiranën. Pas një topin në zonë, Hadroj largon sferën në një dyluftim me Patrik dhe gjyqtari bën shenjë nga pika e bardhë. Pasi Xhaja sheh pamjet me VAR, anulon vendimin në fushë.

40’ Patrik nga e majta harkon në zonë. Rexhepi grushtoj jashtë katërkëndorit.

36’ Momente shqetësimi për Partizanin, pasi Matondo dëmton gjurin pas largimit të topit. Lojtari merr ndihmën mjekësore e pastaj ia del të kthehet në fushë.

34’ Partizani sulmon përsëri në qendër me Rrapajn i cili gjuan por gjen bllokimin e Haxhiut.

30’ Përgjoni nga e majta ia del të gjejë hapësirën të krosojë në zonë, por nuk gjen aty asnjë nga shokët e skuadrës.

28’ Mba ul topin mirë me thembër për Rrapajn i cili gjuan por Najdovski e ndal gjuajtjen e fortë të mesfushorit.

27’ Partizani kthehet pak mbrapa duke i lëshuar terren bardhebluve që kanë më shumë qarkullimin e topit, por pa arritur të çajnë në prapavijën e të kuqve.

24’ Hadroj përsëri hyn në zonë nga e djathta dhe Maget e Da Silva tentojnë të gjejnë portën, por bllokohen nga prapavija e bardhebluve.

20’ GOOOL PARTIZANI. Shënon Mba. Pas një harkimi të Hadrojt nga e djathta, sulmuesi çon sferën n

17’ Murataj nis nga e djathta një top për Maget në shtyllën e dytë, por kthimi i sferës nga ky i fundit në qendër nuk gjen Mba.

15’ Mba i vjedh topin Najdovskit, por ky i fundit kthehet dhe nxjerr sferën në fundore.

13’ Hadroj në të djathtën nis një harkim perfekt në shtyllën e dytë për Da Silva por ky i fundit nuk përfiton për të gjuajtur në portë dhe sfera kalon vijën fundore.

9’ Xhaja thërret pranë vetes kapitenët, pasi nuk mund të vazhdohet ndeshja në këto kushte, ndërsa pret që të qetësohen tifozët.

7’ Rifillon sfida pas 3 minutash, ku portierët kanë marrë ndihmën mjekësore, por kapsollat nuk ndalen në fushë.

4’ Ndërpritet ndeshja pasi tifozët pas dy portave shënjestrojnë portierët, duke bërë që nga kapsollat të goditen si Rexhepi, ashtu edhe Bejkaj.

Starton sfida!

FORMACIONET:

PARTIZANI (4:3:3): Rexhepi, Atanaskoski, Telushi, Sota, Hadroj, Matondo, Murataj, Rrapaj, Maguette, Da Silva, Mba Trajner: Giovani Colella

TIRANA: (3:5:2): Bekaj, Përgjoni, Najdovski, Behiratche, Lulaj, Haxhiu, Aleksi, Lushkja, Deliu, Hasani, Patrick Trajner: Orges Shehi