web counter
LEXO PA REKLAMA!

SHKARKO APP

App Store
Google Play

Sulmuesi afrikan që i feston golat me shqiponjë, tregon arsyen: E bëj për dashurinë ndaj shqiptarëve

6 Mars 2023, 14:21, Sport CNA

Ndonëse Drenica po kalon nëpër një edicion të vështirë në elitën e futbollit kosovar, kjo nuk e ka ndalur sulmuesin afrikan, Archange Dieudonne Bintsouka Koxy të realizojë shtatë gola deri më tani për ekipin nga Skënderaj.

Golat e Koxy në disa raste nuk kanë lënë “gjurmë”, por që vlerësimi për të nuk ka munguar në taborin “kuqezi”. Koxy ishte vendimtar në fitoren 1:0 të Drenicës fundjavën që e lamë pas kundër Ferizajt.

Përveç golave, është një veprim tjetër nga futbollisti nga Kongo që ka marrë vëmendje në opinion. 20-vjeçari në disa prej golave të realizuar ka zgjedhur të festojë duke e bërë me duar shqiponjën, simbolin kombëtar të popullit shqiptar.

Golin në Suharekë kundër Ballkanit dhe atë kundër Ferizajt Koxy zgjodhi të festonte në të njëjtën mënyrë. Futbollisti kongolez ka një arsye për këtë veprim të tij.

“Kam shënuar kohët e fundit, i festoj golat e mi duke bërë simbolin e shqiptarëve. Kjo është se dua të lumturoj bashkëlojtarët e mi nga Drenica dhe të gjithë banorët e qytetit të Skenderajt pasi u pëlqen, më respektojnë, më trajtojnë si fëmijë dhe kjo më bën edhe më të lumtur, prandaj preferova të festoj golat e mi duke bërë këtë gjest për t’u treguar atyre dashurinë që kam për ta”, tha Koxy të hënën. 





Lajmet e fundit nga