web counter
LEXO PA REKLAMA!

SHKARKO APP

App Store
Google Play

E fundit!

x

"Izolim" total te Partizani para derbit, zbulohet formacioni i të kuqve

6 Mars 2023, 14:34, Sport CNA

Partizani do të jetë pritës sot në "Air Albania" në orën 19:00, në derbin përballë Tiranës për javën e 24-t të "Abissnet Superiore". Të kuqtë e kanë detyrim fitoren, teksa një disfatë mund t’i "lajë duart" me titullin pasi do të shkonin plot 6 pikë larg bardhebluve.

Nën drejtimin e trajnerit Colella, ekipi ka zhvilluar seancën e fundit përgatitore dje, e cila filloi me një bisedë të gjatë të italianit me skuadrën. Më pas ekipi zbriti në fushë për të zhvilluar stërvitjen, ndërkohë që mediat u lejuan vetëm 10 minuta e më pas u kërkua një “izolim” total me stafin, drejtuesit dhe lojtarët të vetmit në kompleks.

Grupi është i plotë dhe trajneri ka mundësinë të zgjedhë, por kjo nuk e bën më të lehtë punën e tij pasi janë shumë lojtarë në pritje të një fanelle titullari. Në portë pritet të kthehet Rexhepi ndërsa mbrojtja me tre do të përbëhet nga Menich, Sota e Telushi me Buxhelajn dhe Hadrojn më të avancuar në krah të Matondos dhe Rrapajt në mesfushë. Dilema e madhe është futja e Hotit nga fillimi në vend të njërit mes Da Silva apo Cara në mbështetje të sulmuesit të vetëm, Mba.

Formacioni i mundshëm:
Partizani (3-4-1-2): Rexhepi; Menich, Sota, Telushi; Hadroj, Matondo, Rrapaj, Buxhelaj; Da Silva (Hoti); Cara, Mba.
Trajner: Giovanni Colella





Lajmet e fundit nga