web counter
LEXO PA REKLAMA!

SHKARKO APP

App Store
Google Play

E fundit!

x

Largohet nga Roma, por mbetet në Serinë A. Kumbulla preferon të bashkohet me ish-trajnerin

29 Janar 2024, 14:59, Sport CNA

Largohet nga Roma, por mbetet në Serinë A. Kumbulla preferon të

Marash Kumbulla ka kaluar dëmtimin që e mbajti jashtë për një kohë të gjatë dhe tani po përgatit rikthimin në fushë. Momentalisht, mbrojtësi nuk është në planet e Romës dhe duhet të gjejë një ekip të ri.

Kryeqytetasit kanë ndërmend ta japin në huazim deri në fund të sezonit, në mënyrë që mbrojtësi 24-vjeçar të ketë mundësinë të luajë rregullisht dhe të gjejë formën më të mirë, teksa pretendentët nuk mungojnë, me disa skuadra të Serisë A, që janë gati bëjnë pjesë të tyre.

Interes më të fortë së fundi ka shfaqur Torino, pas dëmtimit të mbrojtësit italian Buongiorno. Trajneri ‘granata’, Ivan Juriç ishte ai që lancoi Kumbullën te Verona në sezonin 2019-2020 dhe po këmbëngul që ta marrë te Torino, për ta rikthyer edhe njëherë në nivele të larta.

Edhe Kumbulla e shikon pozitivisht një kalim te Torino, me shpresën se do të ketë më shumë minuta. Shqiptari do të pranonte te luante te skuadra torineze deri në fund të sezonit.

Me merkaton që mbyllet pasditen e 1 shkurtit, orët e ardhshme do të jenë mjaft të rëndësishme për të ardhmen e Kumbullës, që natyrisht preferon një skuadër ku të luajë rregullisht, për të gjetur formën më ët mirë dhe për të luajtur shanset e tij për një vend në Europianin "Gjermani 2024".





Lajmet e fundit nga