web counter
LEXO PA REKLAMA!

SHKARKO APP

App Store
Google Play

E fundit!

x

Largimi i Shkëmbit, ish-trajneri legjendar i Partizanit mund të marrë drejtimin e Tiranës

5 Nëntor 2024, 12:45, Sport CNA
Largimi i Shkëmbit, ish-trajneri legjendar i Partizanit mund të
Tirana

Rezultatet zhgënjyese në 12 javët e para të këtij sezoni bënë që Tirana të largojë trajnerin Bledi Shkëmbi.

Ekipi bardheblu u drejtua nga zëvendëstrajneri i dytë, Endri Ohri, në stërvitjen e kësaj të marte.

Por kush mund ta marrë drejtimin e skuadrës së Tiranës për pjesën e mbetur të sezonit?

Një nga alternativat më të mira të bardhebluve duket se është emri i teknikut Shpëtim Duro.

64-vjeçari është pa ekip që nga largimi prej ekipit të Suharekës më 10 tetor 2024.

Emri i Duro-s shkakton shumë pikëpyetje, për shkak se ai ka qenë një emër legjendë te rivalët e Tiranës, te Partizani.

Megjithatë, vetë trajneri disa muaj më parë e kishte lënë si mundësi konkrete një kalim te bardheblutë, teksa në një dalje në media kishte deklaruar se e ka objektiv që një ditë ta drejtojë këtë skuadër.

“A e kam objektiv të drejtoj një ditë Tiranën? Patjetër! Jam rritur mes tifozëve të Tiranës. Vëllai i madh ka qenë tifoz me Tiranën, unë me Partizanin. Vëllanë e Refik Halilit e kam pasur shok fëmijërie",-shprehej Duro në muajin maj 2024, kohë në të cilën sapo ishte larguar nga drejtimi i Strugës.

Tani mbetet për t’u parë, nëse ky do të jetë momenti që Tirana dhe Duro do të bashkohen kundër Partizanit./CNA

Largimi i Shkëmbit, ish-trajneri legjendar i Partizanit mund të
Shpëtim Duro




Lajmet e fundit nga