web counter
LEXO PA REKLAMA!

SHKARKO APP

App Store
Google Play

Fonseca: Sot luajmë kundër favoritëve të Champions-it, kam një vendim për Leao-n

5 Nëntor 2024, 09:44, Sport CNA
Fonseca: Sot luajmë kundër favoritëve të Champions-it, kam
Paulo Fonseca

Me vetëm tri pikë në tri ndeshje, Milan-i këtë të martë do të ketë sfidën më të vështirë të Champions League, atë ndaj kampionëve në fuqi të këtij kompeticioni, Real Madrid-it.

Duke folur për mediet në prag të ndeshjes së raundit të katërt të fazës së Ligës në Champions, trajneri i Milan-it, Paulo Fonseca, theksoi se do përballen me skuadrën më favorite, teksa shtoi se përtej kësaj qëllimi i “Djallit” është triumfi.

"Ne do luajmë kundër favoritit për të fituar Champions League-n, për ne është një shans për t'u rritur. Pa frikë dhe me guxim, ne mundemi të bëjmë një lojë të mirë. Gjithmonë përpiqem t'u përcjell lojtarëve dëshirën për të fituar dhe në këtë takim nuk do të jetë ndryshe, duke e ditur se Real Madrid-i është një ekip i madh”,-tha ai fillimisht.

Ndërkohë, i pyetur për formacionin, tekniku zbuloi disa detaje, si fakti që Rafael Leao do ta nisë këtë ndeshje nga minuta e parë.

“Formacioni? Mund t’ju them vetëm disa gjëra, Leao do ta nisë sfidën nga minuta e parë. Ndërkohë Arbaham nuk mund të luajë që në fillim për çështje taktike”, -deklaroi Paulo Fonseca.

Real Madrid-Milan luhet këtë të martë, duke nisur nga ora 21:00 në stadiumin “Santiago Bernabeu”./CNA

 





Lajmet e fundit nga