web counter
LEXO PA REKLAMA!

SHKARKO APP

App Store
Google Play

Kombëtarja U-21 fiton miqësoren ndaj Moldavisë, vendos eurogoli i Burak Alilit

13 Nëntor 2025, 15:34, Sport CNA

Kombëtarja U-21 fiton miqësoren ndaj Moldavisë, vendos eurogoli i

Kombëtarja U-21 fitoi miqësoren e parë të nëntorit ndaj Moldavisë me rezultatin 1-0. Kuqezinjtë zhvilluan një ndeshje shumë të mirë në qendrën stërvitore të Kombëtares moldave, në Vadul lui Vod?, ndërsa goli i fitores u realizua nga Burak Alili.

Shqipëria e nisi ndeshjen në sulm dhe që në minutat e para ishte pranë golit me Dodajn, por tentativa e sulmuesit kuqezi u ndal nga shtylla.

Pak minuta më vonë, ishte sërish Dodaj që provoi me një goditje me kokë, por u ndal nga portieri.

Në minutën e 18-të, Shqipëria zhbllokoi rezultatin me Burak Alilin, i cili realizoi një eurogol nga goditja e dënimit.

Kuqezinjtë provuan sërish dhe pas një aksioni të mirë i shkuan shumë pranë golit të dytë me Rrok Tomën, i cili u gjend i vetëm përballë portierit, por tentativa e tij u ndal.

Fraksioni i dytë nisi me një rast të rrezikshëm për Moldavinë, megjithatë Shqipëria mori sërish në kontroll lojën dhe u hodh në sulm për të shënuar golin e sigurisë.

Gjatë pjesës së dytë trajneri Bushi aktivizoi edhe Selimajn, Dakën, Ramajn, Koten, Brrutin dhe Bashin.

Në fundin e takimit, kuqezinjtë patën një mundësi të artë shënimi me Selimajn, por goditja përfundoi jashtë.

Kuqezinjtë administruan mirë avantazhin deri në fund dhe ndeshja u mbyll me fitoren 1-0 për Shqipërinë U-21.

Kombëtarja U-21 do të luajë ndeshjen e dytë miqësore më 17 nëntor ndaj Ukrainës U-21 në “Elbasan Arena”, në orën 18:00.





Lajmet e fundit nga