web counter
LEXO PA REKLAMA!

SHKARKO APP

App Store
Google Play

E fundit!

x

Duka: Ndeshja me Andorrën, më e rëndësishmja e edicionit për Shqipërinë

12 Nëntor 2025, 18:32, Sport CNA

Duka: Ndeshja me Andorrën, më e rëndësishmja e edicionit

Ndeshjen ndaj Andorrës, Armand Duka, e cilësoi si më të rëndësishmen e edicionit për Kombëtaren.

Në një intervistë për Klan News, kreu i futbollit në vend, u shpreh se pret fitoren dhe të sigurohet “play off” që në Andorra.

“Çdo ndeshje e ekipit Kombëtare është e rëndësishme. Të gjitha janë nga 3 pikë. Disa kanë emocione të tjera përveç futbollit. Kjo është më e rëndësishmja e edicionit, sepse na mban në lojë për “play off”-in. Një sy e kemi edhe në Londër për Angli-Serbi.

Ndeshjen e parë e kemi humbur në stadiumin e vjetër këtu në Andorrë. Ndeshjet zyrtare këtu i kemi fituar. Kanë qenë ndeshje të vështira. Nuk është ndeshje e lehtë. Andorra sot është më mirë se më parë. Ka një ekip që lufton. Anglia i ka shënuar me shumë vështirësi. Mbetet një ndeshje shumë e vështirë. Ekipi e di rëndësinë e ndeshjes. Nuk ka vend për vetëkënaqësi”, theksoi ai.

Duka u shpreh se ekipi do të japë maksimumin për të vazhduar ëndrrën drejt Botërorit. Sipas tij, Shqipëria është vendi që e ndjen më shumë ekipin Kombëtar, ndërsa theksoi se shpreson që “play off” të vendoset që në Andorrë.

“Ka shumë gjëra përse nuk jemi gjithmonë në të njëjtin nivel. Nëse do i bënim të gjitha ndeshjet me të njëjtin nivel, nuk do të ishim Shqipëria, por Anglia që ka siguruar vendin e parë. Motivimi nuk është i njëjtë. Për mua Letonia nuk është ekip i dobët. Na vuri shumë në vështirësi edhe në Tiranë. Nuk jemi këtu për këtë analizë. Jemi për të dhënë maksimumin dhe për të shpresuar te Botërori. Për kënaqësinë e lojtarëve, por edhe për tifozët që e ndjekin këtë Kombëtare.

Ne si tifozllik kemi fituar kulturën sportive dhe e dimë se nuk ka ndeshje të lehta. Për këtë janë në shkallët e stadiumit, për të mbështetur ekipin dhe për ta çuar ekipin drejt fitores. Jemi vendi që e ndjen më shumë ekipin Kombëtar.

Duam ta sigurojmë “play off”-in që këtu, në mënyrë që ndeshjen me Anglinë ta kemi luksi”, u shpreh Duka.





Lajmet e fundit nga