web counter
LEXO PA REKLAMA!

SHKARKO APP

App Store
Google Play

E fundit!

x

“Kam pasur shumë oferta këto kohë”, Ranieri: Rikthimi i Totti-t? Pse jo, por tani fokusi është tjetër

15 Nëntor 2024, 14:47, Sport CNA
“Kam pasur shumë oferta këto kohë”, Ranieri: Rikthimi
Claudio Ranieri

Pas shkarkimeve të Daniele De Rossi-t dhe Ivan Juric, Claudio Raineri do drejtojë ekipin e Roma-s deri në përfundim të këtij sezoni.

Duke folur për mediet gjatë prezantimit te “verdhekuqtë”, 73-vjeçari theksoi se kishte kohë që nuk po drejtonte një ekip dhe se vetëm rikthimi te Roma ose Cagliari mund ta bënin që të riniste punën si trajner.

"Unë e kisha ndërprerë stërvitjen, por është e pabesueshme dhe kam pasur më shumë kërkesa në këto muaj sesa kur fitova Premier League me Leicester-in. I thashë dikujt se do të kthehesha në stërvitje vetëm në dy raste, d. m.th., nëse më thërriste Roma apo Cagliari, fati donte që të kthehesha në shtëpi, unë e nisa në Romë si lojtar dhe do të përfundoj te “verdhekuqtë” si trajner”, -tha ai si fillim.

I pyetur për një rikthim të Francesco Totti-t te Roma, tekniku shtoi se nuk përjashtohet si mundësi.

“Nuk përjashtoj asgjë. Synimi tani është ta rikthejmë skuadrën në krye. Në të ardhmen do të flasim me Totti-n, nëse ai mund të na japë një dorë, sigurisht që do të jetë një opsion për t'u vlerësuar, por prioriteti është tjetër”-deklaroi ai.

Claudio Ranieri do të jetë në krye të Roma-s deri më 30 qershor 2025, teksa synimi është që të përmirësojë rezultatet e ekipit, me “verdhekuqtë” që momentalisht renditen në vend të 12-të të Serie A me 13 pikë, në 12 javë kampionat./CNA





Lajmet e fundit nga