web counter
LEXO PA REKLAMA!

SHKARKO APP

App Store
Google Play

Historike! Maroku U-20 fiton Botërorin, mposht Argjentinën në finale

20 Tetor 2025, 18:04, Sport CNA

Historike! Maroku U-20 fiton Botërorin, mposht Argjentinën në

Kombëtarja e Marokut U-20 ka fituar për herë të parë në histori Botërorin për të rinj, duke mposhtur Argjentinën me rezultatin 2-0 në finalen e zhvilluar në Kili. Sfida u vendos nga dy golat e Yassir Zabirit, sulmues i klubit portugez Famalicao, i cili ishte një nga lojtarët më të spikatur të turneut.

Maroku zhvilloi një rrugëtim mbresëlënës drejt trofeut. Në fazën e grupeve, skuadra afrikane u përball me Spanjën, Brazilin dhe Meksikën, një grup që cilësohej ndër më të vështirët e kompeticionit. Marokenët fituan ndaj Spanjës me rezultatin 2-0 dhe ndaj Brazilit 2-1, ndërsa humbja minimale 0-1 ndaj Meksikës nuk i pengoi që të kalonin fazën si kryesues të grupit.

Në fazën e 1/16-ave, skuadra e drejtuar nga trajneri Mohamed Ouhbi mposhti Korenë e Jugut 2-1, më pas në çerekfinale mundi Shtetet e Bashkuara 3-1, ndërsa në gjysmëfinale eliminoi Francën pas barazimit 1-1 dhe fitores 5-4 me penallti.

Në finalen ndaj Argjentinës, Maroku tregoi organizim të lartë taktik dhe disiplinë në të dy fazat e lojës. Ekipi neutralizoi plotësisht potencialin sulmues të kundërshtarit, duke kontrolluar ritmin e lojës gjatë gjithë ndeshjes. Zabiri shënoi të dy golat, duke vulosur suksesin më të madh të historisë së futbollit maroken në nivel moshash. Me këtë triumf, Maroku u bë kombëtarja e dytë afrikane që fiton Botërorin U20, pas Ganës që e arriti këtë në vitin 2009.





Lajmet e fundit nga