web counter
LEXO PA REKLAMA!

SHKARKO APP

App Store
Google Play

E fundit!

x

Gjimshiti: Cikël i ri në Kombëtare, nuk besoj se me Maran është filozofi italiane

2 Qershor 2026, 17:13, Sport CNA

Gjimshiti: Cikël i ri në Kombëtare, nuk besoj se me Maran

Kapiteni i kombëtares shqiptare, Berat Gjimshiti, ka dalë në një konferencë për shtyp përpara ndeshjes miqësore kundër Izraelit. Mbrojtësi kuqezi u shpreh se skuadra është gati për të nisur një cikël të ri nën drejtimin e trajnerit të ri, Rolando Maran.

Sipas tij, ndonëse stafi teknik ka pasur shumë pak ditë në dispozicion për t'u stërvitur me grupin, idetë taktike të trajnerit janë mjaft të qarta. Kapiteni shtoi se çdo teknik ka filozofinë e tij të lojës, duke bërë një krahasim me ish-trajnerin Silvinjo.

“Nuk ishte e thjeshtë në ndeshjen e fundit, pasi vinim pas një humbjeje, ku humbëm objektivin. Duke parë rrugëtimin ishim të bindur se mund të arrinim Botërorin. Një fillim i ri tani. Me një staf të ri. Grupi është pothuajse i njëjti me disa lojtarë të rinj. Jemi stërvitur mirë dhe mendoj se jemi gati për këtë cikël të ri.

Nuk është e thjeshtë. Kemi pak ditë bashkë. Idetë janë të qarta. Me pak kohë që kemi pasur, kemi parë gjërat që trajneri dëshiron në këtë cikël të ri. Sa më shumë kohë kalon, më mirë bëhet.

Nuk besoj se është filozofi italiane. Çdo trajner i ka idetë e tij. Si Silvinjo, edhe Maran ka idetë e tij.

Shpresoj të luaj edhe disa vite. Aq sa trupi dhe grupi të jetë për nivele të larta.

Me trajnerin e ri, taktika ndryshon, po ashtu edhe pozicioni në fushë. Nuk është e lehtë që të ndryshosh në dy ditë, por gjërat e rëndësishme në fushë i kemi parë dhe kjo është e rëndësishme”, deklaroi Gjimshiti.





Lajmet e fundit nga