web counter
LEXO PA REKLAMA!

SHKARKO APP

App Store
Google Play

E fundit!

x

E bujshme/ Barcelona ndjek Muriqin, gati lëvizja në verë

17 Prill 2026, 19:23, Sport CNA

E bujshme/ Barcelona ndjek Muriqin, gati lëvizja në verë

Barcelona ka nisur të projektojë përforcimet për sezonin e ardhshëm, me fokus të veçantë në repartin ofensiv. Sipas raportimeve nga mediat katalanase, një nga emrat që është futur në listën e alternativave është sulmuesi i Kosovës dhe Mallorcas, Vedat Muriqi. Ky interes lidhet me nevojën e klubit për të gjetur zgjidhje më të përballueshme financiarisht në merkato.

Objektivi kryesor i drejtuesve katalanas mbetet Julian Alvarez, por operacioni për transferimin e tij konsiderohet i vështirë. Kostoja e kartonit të sulmuesit argjentinas vlerësohet nga 100 deri në 150 milionë euro, ndërsa edhe paga e tij paraqet një pengesë të rëndësishme për financat e klubit.

Për këtë arsye, Barcelona po analizon alternativa më ekonomike që mund të përforcojnë skuadrën pa rënduar buxhetin.

Vlera e Muriqit në treg llogaritet mes 5 dhe 10 milionë euro, një shifër që e bën atë një alternativë të arritshme për klubin katalanas.

Performanca e sulmuesit të Kosovës në La Liga ka qenë një nga faktorët kryesorë që ka tërhequr vëmendjen. Deri në këtë fazë të sezonit, ai ka realizuar 21 gola, duke u renditur ndër golashënuesit më të mirë, vetëm 2 gola më pak se kryesuesi Mbappe. Këto statistika kanë rritur ndjeshëm profilin e tij dhe kanë bërë që disa klube të interesohen për shërbimet e tij.

Përveç Barcelonës, interes për Muriqin ka shfaqur edhe Fenerbahçe, që synon rikthimin e tij në kampionatin turk.





Lajmet e fundit nga