E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Duka sqaron të ardhmen e Silvinjos: Vendoset para qershorit, i kërkova…

17 Prill 2026, 12:29, Sport CNA

Duka sqaron të ardhmen e Silvinjos: Vendoset para qershorit, i

Presidenti i FSHF-së, Armand Duka, ka sqaruar pozicionin e trajnerit Silvinjo pas përfundimit të fushatës kualifikuese për Botërorin.

Gjatë një bashkëbisedimi me mediat, Duka e cilësoi ecurinë e viteve të fundit si më të mirën në historinë e Kombëtares, duke vënë në dukje faktin se Shqipëria doli e para në grupin e Europianit dhe e dyta në grupin e Botërorit.

Duka pranoi se ka pasur biseda direkte me Silvinjon pas miqësores me Ukrainën, ku i ka kërkuar trajnerit të reflektojë nëse ka ende energjinë dhe motivimin e nevojshëm për të udhëhequr grupin.

Megjithëse kontrata aktuale e trajnerit është e vlefshme deri në korrik, presidenti theksoi se një vendim përfundimtar për vazhdimësinë ose jo me teknikun brazilian do të merret përpara ndeshjeve të qershorit.

“Padyshim që prisnim më shumë dhe sipas meje edhe meritonim më shumë. Me atë që dhamë në fushë në Poloni, kompeticioni në përgjithësi ka qenë i mirë, në total, kualifikueset në grup, padyshim që kishte edhe ndeshje në të cilat nuk kanë qenë në pritshmëritë tona. Gjatë rrugëtimit të kualifikuesve, kishte paraqitje shumë të mirë ndaj kundërshtarit direkt, se ishte objektivi ynë për të qenë të dytët në grup, ndërsa kemi vuajtur me Lituaninë. Me Anglinë, shumë skuadra në Europë e kanë të vështirë të kenë performancë të mirë, por në “Air Albania” ishte mirë. Kualifikueset për mua ishin të suksesshme, për ta shtyrë për ta lidhur me trajnerin e stafin, janë më të mirat e historisë, në Europian ishin të parët në grup, në Botëror të dytët, që nuk ka ndodhur asnjëherë më parë. Padyshim dëshironim të shkonim në Botëror, mund të shkonim nga ajo ndeshje, ta provonim fatin.

Por duke u nisur nga kjo lloj minianalize, unë kam biseduar me trajnerin e ekipit menjëherë pasi jemi kthyer nga miqësorja torturuese me Ukrainën se të gjithë ishim të plagosur, ne më shumë se Ukraina, se ata nuk e kishin ndier sa ne. Dhe i kam thënë të njëjtat gjëra që sipas meje rrugëtimi i këtyre viteve është pozitiv. Por, një trajner e ndien vetë dhe duhet ta ndiejë, një profesionist duhet ta ndiejë vetë nëse mund ta udhëheqë një skuadër. Ky është një pozicion që të konsumon, lojtarët nuk janë të lumtur kur nuk thirren, të ruash ato balanca, të kesh fuqi e akoma energji, e ndien më shumë ai që është në drejtim. E kam pyetur si e ndjen veten, nëse e udhëheq përsëri këtë skuadër apo jo. E kam detyrim që të jem transparent dhe po i them bisedat siç i kemi bërë me trajnerin. Ai më ka pyetur “Si e mendon ti?”. Në këndvështrimin tim ke energji akoma i thashë. Ai do marrë kohë për ta menduar dhe për të më dhënë përgjigje. Nuk do të thotë që nëse thotë po, ne do të ofrojmë një kontratë të re. Por do të vendosim para ndeshjeve të qershorit nëse ne do të vazhdojmë me trajnerin apo me një tjetër.

Mbase kontrata duhej të ishte deri në mars në fund të "play-off"-it, por ne kishim rënë dakord që në nëntor e padyshim mund të kishte qenë ndryshe. Nuk mund të bënim kontratë deri në mars se do të ishte demotivuese për skuadrën. I jepnim mesazh që nuk shkojmë në Botëror, ndaj kontrata e trajnerit është deri pasi të përfundojë Botërori. Diferencat janë shumë të vogla dhe përgatitja psikologjike e besimi te fitorja janë ndër gjërat më të rëndësishme. E para është të bindësh veten që mund të arrijmë e pastaj ta çojmë te të tjerët”, tha Duka.