E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Faza vendimtare, kalendari për pretendentët e "Final Four"

17 Prill 2026, 18:15, Sport CNA

Kategoria Superiore po hyn në fazën më vendimtare të sezonit të rregullt, teksa gara për katër vendet e “Final Four” mbetet shumë e hapur dhe emocionuese.

Vllaznia është skuadra e parë që ka siguruar matematikisht pjesëmarrjen në “Final Four”. Shkodranët kryesojnë renditjen me 59 pikë dhe kanë qenë një nga ekipet më të qëndrueshme gjatë gjithë sezonit.

Në vendin e dytë renditet AF Elbasani me 56 pikë. Verdheblutë janë shumë pranë sigurimit të “Final Four” dhe nëse arrijnë të fitojnë në transfertë ndaj Teutës këtë fundjavë, do të bëhen skuadra e dytë që siguron matematikisht një vend mes katër më të mirave.

Në vendin e tretë qëndron kampionia në fuqi Egnatia me 54 pikë, e cila gjithashtu është në një pozicion shumë të favorshëm për të siguruar pjesëmarrjen në Final Four në javët e mbetura të kampionatit.

Ndërkohë, beteja më e fortë është për vendin e katërt. Dinamo City dhe Partizani ndajnë nga 44 pikë dhe mbajnë aktualisht vendin e katërt dhe të pestë në renditje, duke e bërë garën mes tyre shumë të fortë në javët e fundit.

Në garë mbetet edhe Teuta me 38 pikë, e cila ende ka shanse për t’u afruar me zonën e “Final Four” nëse arrin rezultate pozitive në ndeshjet e mbetura.

Me vetëm pak javë të mbetura deri në përfundimin e sezonit të rregullt të Superiores, çdo pikë bëhet vendimtare dhe gara për të siguruar një vend në “Final Four” pritet të mbetet e hapur deri në javët e fundit të kampionatit.

Kalendari i Elbasanit

Teuta –Elbasani

Elbasani – Vllaznia

Vora –Elbasani

Bylis –Elbasani

Elbasani – Tirana

Kalendari i Egnatias

Egnatia – Flamurtari

Egnatia – Vora

Dinamo City – Egnatia

Egnatia – Partizani

Teuta – Egnatia