web counter
LEXO PA REKLAMA!

SHKARKO APP

App Store
Google Play

E fundit!

x

Dyshimet për volejbollisten e Dinamos/ Latifllari: Përmasa të tepërta mediatike, të vërtetohet nga Federata

29 Tetor 2025, 14:14, Sport CNA

Dyshimet për volejbollisten e Dinamos/ Latifllari: Përmasa të

Drejtor i qendrës Multifunksionale të Pogradecit, Dorian Latifllari, u shpreh sot lidhur me rastin e volejbollistes së Dinamos, brazilianes Nayara Ferreira, e cila dyshohet se ka ndërruar gjini.

Në një deklaratë, Latifllari thotë se kjo ngjarje ka marrë përmasa shumë të mëdha mediatike pa qenë e nevojshme dhe se zgjidhja është fare e thjeshtë përmes analizës specifike.

Latifllari deklaron se çdo ekip që luan në një përballje ka gjithë të drejtën të ngrejë një shqetësim për ekipin kundërshtar dhe se kjo dilemë duhet të verifikohet nga vetë Federata e Volejbollit.

“Ne jemi anëtarë të Federatës Shqiptare të volejbollit dhe si çdo anëtar i kësaj federate, ne kemi të drejtën të ngremë dyshime në lidhje me sportivitetin e një lojtareje apo një ekipi dhe për këtë kemi ngritur një çështje e cila është komplet sportive, nuk e di pse mori këto përmasa kaq mediatike kur ne saktësisht kemi kërkuar nga federata që për lojtaren në fjalë dhe nga pamjet që kemi hasur kur ajo ka zhvilluar ndeshje me ekipet e tjera për këtë lojtare ne kërkojmë një analizë specifike për të vërtetuar nëse kjo lojtare është e përshtatshme për të luajtur në këtë kategori dhe kontrolluar mbase edhe avantazhet e padrejta që kjo lojtare mund të përfitojë ndaj lojtareve femra.

Këtu kam parasysh që mund të kemi përdorimin e substancave të cilat janë të ndaluara nga rregulloret e federatave ndërkombëtare sportive, apo terapi të ndryshme hormonale që ne kemi parë në media që lojtarë i përdorin rregullisht.

Ne kërkesën e kemi bërë para ndeshjes që do të luanim me Dinamon në 11 tetor, kemi parë ndeshje që Dinamo ka zhvilluar me ekipe të tjera, kemi parë që ajo ka disa të dhëna të ndryshme nga të dhënat e lojtareve që marrin pjesë në këtë kategori, kemi ngritur disa dyshime, është e drejta jonë të ngremë këto dyshime dhe thjesht presim të na i vërtetojë federata.

Mënyra se si kjo çështje është trajtuar dhe balta që po hidhet mbi ekipin e Pogradecit, për shkak se Pogradeci sot është në vendin e parë dhe dua të theksoj se në ndeshjen me Dinamon ky ekip ka qenë i plotë, ku ka marrë pjesë edhe lojtarja në fjalë. Pogradeci ka fituar me rezultatin 3 me 2 dhe falë mbështetjes së jashtëzakonshme të qytetarëve pogradecarë, natyrisht ne fituam në Pogradec. Ajo fitore është meritë e ekipit dhe vajzave të Pogradecit të cilat sot po gjykohen nga opinioni i gjerë, që Pogradeci po fiton me metoda jo të përshtatshme sportive, gjë që nuk është e vërtetë. Ne e mundëm Dinamon në fushën tonë me ekipin e plotë që kishte Dinamo”,-tha Latifllari./CNA





Lajmet e fundit nga