web counter
LEXO PA REKLAMA!

SHKARKO APP

App Store
Google Play

E fundit!

x

Iu kërkua testi për përcaktimin e gjinisë/ Ferreira: Jam e shokuar, pyes veten a jam e sigurt në këtë vend

28 Tetor 2025, 22:16, Sport CNA

Iu kërkua testi për përcaktimin e gjinisë/ Ferreira: Jam e

Volejbollistja e “Dinamos” Nayara Ferreira, e cila u përjashtua përkohësisht nga Federata Shqiptare e Volejbollit, pasi ju kërkua t'i nënshtrohet një testi për përcaktimin e gjinisë.

Sot në një dalje televizive Ferreira deklaroi se situata e saj është mjaft e vështirë dhe kjo është hera e parë që i ndodhte diçka e tillë. Atletja deklaroi se familja dhe shoqëria janë krah saj, por ajo nuk ndihet e sigurt në Shqipëri.

"Situata ishte vërtet e rëndë dhe që atyre realisht u vinte zor dhe turp dhe nuk dinin se si të ma shpjegonin. Klubi erdhi dhe më foli. Kemi këtë situatë dhe ti je e pezulluar. Presidenti i klubit më tha. U shokova.

Ishte hera e parë që më ndodhte kjo situatë në jetën time. Familja dhe shoqëria është me mua, më suportojnë. Mami im qau për këtë situatë, e kuptoi që kjo situatë është një çmenduri e madhe. Kam qenë 12 vjeçe kur nisa të luaj volejboll. Doni të vërtetën?

Sapo erdha këtu, kam vetëm 3 muaj që kam ardhur dhe e gjej vetën në këtë situatë. Pyes veten a jam e sigurt në këtë vend?

Ndihem e shokuar, e pyes veten pse e kam merituar këtë gjë. Pyes veten edhe për vajzat në të gjithë botën. Unë nuk jam nën presion dhe nuk ndjej stres për këtë. Jam një volejbolliste. Kjo situete për mua është diskriminim. Është një situatë ndryshe. Është diçka jonormale. Ky është diskriminim për veten time. Për flokët e mi, unë kam tatuazhe.

Ku është bazuar gjithçka që akuzojnë? Këtë pyetje bëj dhe unë. Ku janë bazuar për këtë?

Herën e parë që shkova në atë spital, u takova me personin e Federatës dhe e pyeta se nuk e pashë bazën ligjore për këtë veprim. Nuk pashë asnjë dokument, nuk pashë asgjë. Ai thjesht më pa dhe vendosi këtë gjë. Për mua është diskriminim i pastër.

Nuk më dhanë asgjë. Asnjë informacion, asgjë. Më pyetën për testin e gjakut. E bëra këtë testin vetë. Nuk e bëra që të provoja diçka. E bëra për veten time.

Vajzat e ekipit tim ishin perfekte me mua. Më kanë mbështetur.

Patjetër që do ta bëj këtë gjë, por kur të ndihem vetë gati”, u shpreh ajo.

 

 

 





Lajmet e fundit nga