web counter
LEXO PA REKLAMA!

SHKARKO APP

App Store
Google Play

E fundit!

x

Duka: Në short kishim fat vetëm për diçka, prioritet ndeshjet e marsit

12 Shkurt 2026, 20:34, Sport CNA

Duka: Në short kishim fat vetëm për diçka, prioritet

Presidenti i FSHF-së, Armand Duka, ka komentuar shortin e Ligës së Kombeve, ku Shqipëria do të përballet me Finlandën, Bjellorusinë dhe San Marinon.

Duka u shpreh i matur, duke theksuar se ndeshjet fitohen në fushë dhe jo në letër, por pranoi se Shqipëria pati "fat" në aspektin gjeografik, pasi udhëtimet nuk do të jenë të gjata.

Megjithatë, kreu i futbollit shqiptar nënvizoi se vëmendja absolute e të gjithëve është te ndeshjet "play-off" të marsit, ku Shqipëria kërkon kualifikimin historik në Botërorin 2026. Duka kujtoi gjithashtu rëndësinë e Ligës së Kombeve si një mundësi e dytë për të siguruar një biletë për Europianin e ardhshëm.

“Nuk kam menduar ndonjëherë se ndeshjet fitohen në short apo në letër. Ndeshjet dhe kompeticionet fitohen në fushë. Ka raste kur mendon se shorti është i keq dhe në fund ndodh e kundërta, apo edhe anasjelltas.

Gjithmonë ka një baraspeshë të skuadrave, sepse ndahen në vazo. Nuk mund të them nëse ishim me fat apo pafat. Mund të them se vetëm për diçka ishim me fat. Nuk kishim ndonjë kundërshtar që duhet të udhëtojmë larg.

Në Finlandë uroj të mos luajmë në nëntor, sepse në atë kohë temperaturat janë shumë të ulëta dhe nuk janë mirë për futbollin. Është një kompeticion që kemi kohë për ta përgatitur. Jam i bindur që do e përgatisim mirë. Për të gjithë, kryesore janë ndeshjet “play off” të marsit dhe më pas do të mendojmë për këtë.

Urojmë të kemi sukses në mars dhe më pas të mendojmë për Ligën e Kombeve. Nuk është kompeticion më pak i rëndësishëm. Nga ky kompeticion mund të sigurojmë “play off” të Europianit. Uroj t’i kemi gati të gjithë futbollistët”, u shpreh Duka.





Lajmet e fundit nga