web counter
LEXO PA REKLAMA!

SHKARKO APP

App Store
Google Play

E fundit!

x

Shpërthejnë polemikat, Elbasani reagon ashpër: Po cenohemi nga vendimet

11 Shkurt 2026, 19:50, Sport CNA

Shpërthejnë polemikat, Elbasani reagon ashpër: Po cenohemi nga

Partizani mori një fitore minimale 0-1 ndaj Elbasanit në ndeshjen e parë çerekfinale të Kupës së Shqipërisë.

Goli i vetëm i takimit u realizua nga pika e bardhë në minutat e fundit, pas një penalltie të fituar nga Xhuliano Skuka. Vendimi i arbitrit u shoqërua me diskutime dhe reagime pas përfundimit të sfidës. Klubi i Elbasanit shprehu publikisht pakënaqësinë për gjykimin.

Sipas reagimit zyrtar, kjo është penalltia e katërt e konsideruar e diskutueshme e dhënë kundër tyre që prej muajit janar. Drejtuesit e klubit pretendojnë se këto vendime kanë ndikuar drejtpërdrejt në rezultatet e ndeshjeve.

Elbasani i ka bërë thirrje Kolegjiumit të Arbitrave për më shumë profesionalizëm dhe paanshmëri në vijim të garës.

REAGIMI I ELBASANIT

Që nga muaji janar i këtij viti, ndaj ekipit të Elbasanit janë akorduar katër penallti kundër, të cilat në të katër rastet kanë qenë tepër të diskutueshme.

Rasti i paraqitur në këtë foto është momenti i fundit flagrant, i ndodhur në ndeshjen e sotme ndaj Partizanit, një tjetër penallti e diskutueshme, që ka ndikuar drejtpërdrejt në rrjedhën dhe mbarëvajtjen e takimit.

Si klub, ndihemi të cenuar nga vendime të përsëritura, shumë të diskutueshme dhe jo korrekte të arbitrave, të cilat kanë pasur ndikim të drejtpërdrejtë në rezultatet e ndeshjeve tona.

Ne kërkojmë nga Kolegjiumi i Arbitrave dhe nga vetë arbitrat që të jenë në lartësinë e detyrës, të veprojnë me profesionalizëm, paanshmëri dhe integritet të plotë, duke shmangur çdo vendim që mund të perceptohet si i favorshëm apo i njëanshëm.

Respekti për garën dhe drejtësinë sportive duhet të jetë mbi gjithçka.





Lajmet e fundit nga