web counter
LEXO PA REKLAMA!

SHKARKO APP

App Store
Google Play

Duka kënaqet me lojën: I kishim mundësitë për 3 pikët ndaj Serbisë

8 Qershor 2025, 16:27, Sport CNA

Duka kënaqet me lojën: I kishim mundësitë për 3

Shqipëria barazoi pa gola ndaj Serbisë, në një ndeshje ku më shumë se çdo herë tjetër, meritoi fitoren.  

Pavarësisht rezultatit, loja e treguar nga kuqezinjtë, duket se ka lënë një shije tejet pozitive te presidenti i Federatës Shqiptare të Futbollit, Armand Duka.

Kreu i futbollit në vend, nëpërmjet një postimi në profilin e tij, ka shkruar se ishte një ndeshje shumë e bukur, të cilën Shqipëria mund ta kishte fituar.

Sipas tij, loja e treguar nga futbollistët në fushë, jep më shumë motivim për të ardhmen, ndërsa shton se ishin të gjitha mundësitë për të marrë 3 pikët.

Duka ka përgëzuar lojtarët dhe trajnerin Silvinjo, për punën e bërë dhe interpretimin e treguar në fushë.

“Një ndeshje e bukur, që mund ta kishim fituar

Barazojmë 0-0 me Serbinë dhe ajo që na motivon më së shumti për të ardhmen është loja e bërë, vetëbesimi i lojtarëve, autoriteti i tyre në fushë.

I kishim të gjitha mundësitë për të marrë tre pikët, që do të kishin qenë të merituara nga ana jonë. Gjithsesi futbolli i tillë, jo gjithmonë prodhon rezultatin që meriton.

Përgëzime për djemtë e ekipit, për gjithçka dhanë në fushë, trajnerin Silvinjo dhe stafin teknik për punën e bërë për përgatitjen e ndeshjes dhe për mënyrën se si e drejtuan skuadrën sot.

Falënderojmë edhe tifozët, që sërish ishin në mbështetje të Kombëtares dhe besuan e i dhanë kurajo skuadrës për të marrë maksimumin në fushën e blertë.

Tani duhet të shohim përpara, ndeshja me Letoninë vjen shpejt dhe duhet të jemi gati për të që të japim më të mirën dhe të marrim tre pikët”, ka shkruar Duka.

Shqipëria mban vendin e dytë në kualifikueset e grupit K, me 4 pikë, 5 më pak se Anglia kryesuese, por 3 më shumë se Serbia, që renditet në vendin e katërt.





Lajmet e fundit nga