web counter
LEXO PA REKLAMA!

SHKARKO APP

App Store
Google Play

Bajrami: Synoj të fitoj trofe me Rangers, kam shumë përvojë dhe dua ta shfrytëzoj!

14 Shtator 2024, 12:49, Sport CNA
Bajrami: Synoj të fitoj trofe me Rangers, kam shumë përvojë
Nedim Bajrami, Burimi: Rangers Youtube

Mesfushori i kombëtares shqiptare të futbollit, Nedim Bajrami vendosi që të mbyllë aventurën e tij me Sassuolo-n, për të nisur një eksperiencë të re këtë herë në Skoci.

25-vjeçari shqiptar u transferua te gjiganti i Rangers, me këta të fundit që paguan 4 milionë euro për kartonin e mesfushorit.

Në konferencën e parë të dhënë për mediet si lojtar i Ranges, Bajrami shprehet shumë i lumtur, teksa thekson se dëshiron të fitojë trofe me ekipin e tij të ri.

“Jam shumë i lumtur që iu bashkova Rangers, një klub i madh dhe me shumë histori. Unë jam gati që të zbres në fushë, pasi kam luajtur dy ndeshje me Shqipërinë, por gjithçka varet nga trajneri. Këtu kam presion, por më pëlqen kjo gjë. Unë gjithmonë do të bëj më të mirën për ekipin, do të përpiqem që të shënoj sa më shumë apo të asistoj. Mendoj se mund ta ndihmoj ekipin me përvojën ndërkombëtare që kam. Jam ende i ri, por kam shumë përvojë dhe dua ta shfrytëzoj. Dua të fitoj trofe, të bëj më të mirën për ekipin dhe tifozët”,-deklaroi Nedim Bajrami.

Mesfushori shqiptar u bashkua këtë verë me ekipin e Rangers, pasi vendosi të largohej nga Sassuolo, me klubin italian që këtë sezon do të luajë në Serie B./CNA





Lajmet e fundit nga