web counter
LEXO PA REKLAMA!

SHKARKO APP

App Store
Google Play

Shpopullimi i Shqipërisë/ Një krizë demografike me kosto të larta sociale

10 Qershor 2026, 09:52, Sociale CNA

Shpopullimi i Shqipërisë/ Një krizë demografike me kosto

Shqipëria po përballet me një krizë të thellë demografike ku shifrat zyrtare të INSTAT për 1 janarin 2026 dëshmuan një transformim të strukturës së popullsisë.

Në fillim të këtij viti, numri i banorëve ra në 2.335.930, duke shënuar një rënie vjetore prej 1.16%, një tregues ky që konfirmon vazhdimësinë e një trendi negativ të nisur prej vitesh.

Shkaku kryesor i këtij shpopullimi mbetet migracioni neto negativ prej 28.531 personash, i cili tejkalon shtesën natyrore të vendit, duke e bërë emigracionin faktorin kryesor për pakësimin e popullsisë.

Shpopullimi i Shqipërisë/ Një krizë demografike me kosto

Po ashtu shoqëria po pëson një proces të përshpejtuar plakjeje. Mosha mediane ka arritur në 45 vjeç, që do të thotë se gjysma e popullsisë është tashmë mbi këtë moshë. Ky fenomen shoqërohet me një rritje të ndjeshme të raportit të varësisë së të moshuarve, i cili ka prekur nivelin 35.7%.

Projeksionet e mëparshme të popullsisë sipas grupmoshave për vitet 2019 – 2031, tregojnë një rënie të vazhdueshme të bazës së popullsisë, ndërkohë që grupmoshat e moshuara pritet të rriten ndjeshëm.

Nëse në vitin 2019 grupmosha 85+ numëronte 24.189 persona, projeksionet tregojnë se deri në vitin 2031 kjo shifër do të arrijë në 52.507 persona. Ndërkohë, grupmoshat e reja 0-4 vjeç pritet të bien nga 155.622 në vitin 2019, në 148.036 persona deri në vitin 2031.

Shpopullimi i Shqipërisë/ Një krizë demografike me kosto

Pavarësisht projeksioneve të mëparshme, realiteti aktual tregon një tkurrje shumë më të shpejtë. Nëse ritmet e emigracionit dhe plakjes nuk ndryshojnë, baza e popullsisë në moshë pune do të vijojë të ngushtohet ndjeshëm deri në vitin 2031 dhe më tej./ CNA





Lajmet e fundit nga