web counter
LEXO PA REKLAMA!

SHKARKO APP

App Store
Google Play

Rriten sëmundjet kardiovaskulare në Europë/ Rreth 2 milionë viktima dhe kosto 282 miliardë euro në vit

15 Dhjetor 2025, 16:09, Sociale CNA

Rriten sëmundjet kardiovaskulare në Europë/ Rreth 2 milionë

Sëmundjet kardiovaskulare janë shkaku kryesor i vdekjes dhe paaftësisë në të gjithë Bashkimin Europian, duke shkaktuar rreth 1.7 milion vdekje çdo vit dhe duke prekur 62 milion njerëz, sipas Organizatës për Bashkëpunim Ekonomik dhe Zhvillim. 

Sëmundjet kardiovaskulare i referohen gjendjeve që prekin zemrën dhe enët e gjakut, të tilla si ataku në zemër, goditja në tru dhe pamjaftueshmëria kardiake.

Gjatë 50 viteve të fundit, jetëgjatësia është rritur ndjeshëm në vendet evropiane, kryesisht për shkak të përparimeve në parandalimin dhe trajtimin e saj dhe faktorëve të rrezikut, por këto gjendje janë ende shkaku kryesor i vdekjes.

Në shumicën e vendeve të Bashkimit Europian, shkalla e vdekshmërisë nga sëmundjet e qarkullimit të gjakut është rreth 26-60% më e lartë tek meshkujt sesa tek femrat.

Faktorët e rrezikut të pandryshueshëm, siç janë seksi, mosha, historia familjare dhe etnia ose raca, janë ato karakteristika individuale të lindura që mund të rrisin rrezikun e zhvillimit të një gjendjeje kardiovaskulare. Faktorët e rrezikut të modifikueshëm përfshijnë faktorë klinikë, metabolikë, të stilit të jetës, të sjelljes dhe mjedisorë.

Globalisht, 83% e të gjitha vdekjeve për shkak të kësaj sëmundjeve në vitin 2021 i atribuoheshin faktorëve të modifikueshëm të rrezikut, ndërsa në BE kjo shifër ra në 76 përqind.

Faktorët e rrezikut metabolik janë grupi mbizotërues, duke përbërë rreth 70% të vdekjeve ë nivel global dhe 68% në BE. Kjo përfshin hipertensionin, sheqerin e lartë në gjak dhe kolesterolin.

Rreziqet e sjelljes, të tilla si pirja e duhanit, dieta e pashëndetshme dhe përdorimi i dëmshëm i alkoolit, janë grupi i dytë më i madh, duke përbërë rreth 42% të vdekjeve nga sëmundjet kardiovaskulare në nivel global dhe 37% në BE.





Lajmet e fundit nga