web counter
LEXO PA REKLAMA!

SHKARKO APP

App Store
Google Play

E mitura shtatzënë nga përdhunimi/ Të afërmit: Jemi të tronditur, drejtësia të bëjë punën e vet

30 Dhjetor 2025, 21:28, Sociale CNA

E mitura shtatzënë nga përdhunimi/ Të afërmit: Jemi

Të afërmit e të miturës që rezultoi shtatzënë pas një përdhunimi në Pogradec, kanë shprehur sot tronditjen e madhe për ngjarjen e rëndë. Ata janë shprehur se me të autorin e dyshuar kishin shumë miqësi dhe rrinin shpesh në shtëpitë e njëri-tjetrit.

Gruaja e kushëririt, Zybe Selko tregon se askush nuk ka pasur dyshime që mund të ndodhte kjo ngjarje, pasi mes dy familjeve kanë ekzistuar marrëdhënie korrekte.

 “Sapo e mora vesh lajmin, u trondita. Nuk di gjë për çfarë po flitet. Në fshat njihet si burrë i mirë dhe ne nuk kemi ndjerë asgjë të keqe nga ai. Familjen e vajzës nuk e njoh dhe nuk kam as idenë çfarë bëjnë. Ne jemi nga i njëjti fshat, por nuk di gjë për jetën e tyre. Unë rri në shtëpinë time. U trondita, por ai është një njeri i mirë. Nuk njihej si person problematik. Është familjar, ka katër vajza, është edhe gjysh dhe ka nipër dhe mbesa. Fëmijët i ka të martuar”,-tregon e afërmja.

Ata presin që drejtësia të bëjë punën e vet teksa paraqiten në gjendje shumë të rënduar emocionale.

Banesat e autorit të dyshuar dhe të të miturës janë ngjitur me njëra-tjetrën dhe familjarët e lejonin që të shkonte në dyqan për t’i ardhur në ndihmë familjes të autorit të dyshuar./CNA

 





Lajmet e fundit nga