web counter
LEXO PA REKLAMA!

SHKARKO APP

App Store
Google Play

E fundit!

x

Skema e pështirë e Ramës dhe Veliajt kundër SPAK dhe GJKKO

11 Shkurt 2025, 17:31, Politikë CNA

Skema e pështirë e Ramës dhe Veliajt kundër SPAK dhe GJKKO

Kryeministri Rama duket se ka “lajthitur”, nuk po kontrollon dot veten pas arrestimit të kryebashkiakut Erion Veliaj. Dhe ky i fundit duket edhe më keq, përdor një gjuhë rrugaçësh. Kryeministri Rama godiste tavolinën.

Në një moment, të dy, edhe Rama edhe Veliaj, këta mbështetës dhe ‘dashnorë’ të drejtësisë së re, po sillen më keq se Meta. O Zot, ruaji mendjen kryeministrit tonë!

Një skemë përverse, shantazhi të drejtpërdrejtë ndaj gjyqtarit Erion Bani dhe kreut të SPAK, Altin Dumani. Një sulm i pështirë, i drejtpërdrejtë ndaj prokurorit Ols Dado. Si qendron e vërteta?

Hetimet udhëhiqen nga Altin Dumani dhe Ols Dado. Janë dy prokurorë, por sulmohet vetëm Ols Dado. Pse?!

Së dyti, nuk ka arrestim ndaj prokurorit të Erion Veliajt, por ka një vendim të GJKKO-së, të gjyqtarit Erion Bani dhe duke sulmuar Ols Dadon në këtë lloj formë të pështirë, të ndyrë.

Edi Rama dhe Erion Veliaj po përpiqen të shantazhojnë drejtësinë, po përpiqen të shatazhojnë kreun e SPAK Altin Dumani, po përpiqen të shatazhojnë gjykatësin me GJKKO Erion Bani.

Kjo është skema perverse, skema e neveritshme që po përdoret ndaj Rama dhe Veliaj kundër SPAK dhe GJKKO.

Këta ‘dashnorë’ të dikurshëm të drejtësisë e donin reformën për t’ia hedhur mbi supe opozitës, për të arrestuar Metën, për të arrestuar Berishën dhe tani kur i arrestohet Erion Veliaj, nuk e përballon dot Kryeministri ynë.

Zot, mblidhi mendjen, ta mbajë kryeministri ynë! Se nuk po mundet dot ta përballojë!

Dhe sot po tregon turpësisht edhe një gjë tjetër; jo vetëm është pjesë e skemave perverse të Erion Veliajt, por është bashkëpunëtor i tij i ngushtë.

Ndoshta tani po na tregon se është shumë afër Inceneratorit, 5D-së. Ndoshta pak larg fustaneve dhe bizhuve. /CNA





Lajmet e fundit nga