web counter
LEXO PA REKLAMA!

SHKARKO APP

App Store
Google Play

E fundit!

x

Protesta në vend/ Berisha: Të bëjmë gjithçka që të finalizohet me sukses misioni i saj

7 Korrik 2026, 19:52, Politikë CNA

Protesta në vend/ Berisha: Të bëjmë gjithçka që

Kryetari i Partisë Demokratike, Sali Berisha i pranishëm në një aktivitet kushtuar viktimave të regjimit komunist, ka folur dhe për protestën në vend.

Berisha tha se nderimi më i madh që mund t’u bëhet viktimave të asaj diktature është të luftohet qeveria Rama. Sa i përket protestës, kryedemokrati tha se duhet të bëhet gjithçka për t’u finalizuar misioni i saj.

Kreu i PD u shpreh se Rama në sytë e botës është një tiran, ndaj dhe çdo shqiptar duhet të jetë i përgatitur për një betejë vendimtare.

 

 

“Nderimi më i madh që ne u bëjmë viktimave të asaj diktature është të luftojmë me të gjitha mundësitë tona këtë regjim, këtë diktaturë autoritare që po shkatërron si asnjë regjim tjetër qenien shqiptare, që është një rrezik ekzistencial për kombin tonë.

Një protestë e madhe qytetare rinore është në vazhdim. Duhet të bëjmë gjithçka që të finalizohet me sukses misioni i saj.

Kontributi i gjithsecilit është i jashtëzakonshëm.

Edi Rama para gjithë botës tashmë është një tiran. Por tiranët kurrë nuk ikin vetë. Ndaj dhe çdo shqiptar dhe shqiptare duhet të jetë i përgatitur për betejën vendimtare me këtë regjim, për të shpëtuar Shqipërinë.

Ky është nderimi më i madh që u bëjmë ne martirëve të lirisë, të rënëve të kombit, shërbimi më i madh që i bëjmë të ardhmes së fëmijëve tanë dhe të kombit shqiptar dhe Shqipërisë”, tha Berisha.





Lajmet e fundit nga