web counter
LEXO PA REKLAMA!

SHKARKO APP

App Store
Google Play

E fundit!

x

“Parlamenti de facto nuk ekziston”/ Berisha: Do përdorim çdo mjet për të përmbysur Ramën

23 Dhjetor 2023, 11:43, Politikë CNA
“Parlamenti de facto nuk ekziston”/ Berisha: Do përdorim
Ish kryeministri Sali Berisha

Ish kryeministri Sali Berisha në një takim me gratë e LDGSH-së ka folur lidhur me situatën në të cilën gjendet parlamenti I Shqipërisë.

Ai thotë se Parlamenti është katandisur në sallë anekënd me gardistë dhe se de facto ai nuk ekziston.

“Beteja që është bërë këto dy muaj, ka qenë një betejë shumë e suksesshme. Parlamenti, siç e shihni, është katandisur në 4 minuta. Është katandisur në klandestinitet. Është katandisur në sallë anekënd me gardistë. De facto ai nuk ekziston më dhe kjo është meritë e jashtëzakonshme e deputetëve të parlamentit. Së dyti, beteja e tyre kundër meje. Në fakt kjo ka qenë beteja ime kundër tyre. Në fakt ka qenë beteja e Sali Berishës kundër tyre. Sepse unë i detyrova ata të ndjekin çdo hap në rrugë antikushtetuese, antiligjore. Pse i detyrova? Sepse janë të tmerruar. Ata janë të trembur nga opozita që nuk e kontrollojnë më.”, tha Berisha.

Ai thotë se Rama e ka të qartë se nuk do të qëndrojë më të pushtet.

“Edi Rama e ka të qartë si drita e diellit se në pushtet nuk mund të qëndrojë më. Duhet të jemi të vërtetë. A bëhen zgjedhje në Rusinë e Putinit? Bëhen, tani ka shpallur kandidaturën. A bëhen zgjedhje në Bjellorusi? Bëhen. A bëhen zgjedhje në Mianmar? Bëhen. Në Venezuelë bëhen. Por opozita nuk fiton. Askush nuk mendon se Putini mundet me zgjedhje. Askush nuk beson se junta ushtarake mundet me zgjedhje. Do të ishte një vetëmashtrim i madh në qoftë se mendojmë se e mundim me zgjedhje Edi Ramën. Jo! Kurrë. Do të ishte absurde nëse mendojmë se ditën e votimit do rrëmbejmë armët për të vrarë, për të asgjësuar kriminelët që nuk lejojnë votimin.”, u shpreh ai.

Sipas liderit historik të PD-së demokratët do të përdorin çdo mjet për ta rrëzuar atë.

“Do të ishte jorealiste nëse mendojmë se ditën e votimit do të bllokojmë thasët e parave që përdoren për të blerë votat. Këto nuk mund t’i bëjmë ne, por ajo që mund të bëjmë ne është rrëzimi i Edi Ramës. Ne do përdorim çdo mjet të mosbindjes civile për të përmbysur Edi Ramën. Pra, thashë një kohë kthese reale, një kohë kthese në vendimin e çdo njeriu, të vendosësh të luftosh një diktaturë është një vendim hyjnor për nga rëndësia e tij. Por të vendosësh të luftosh një diktaturë do të thotë të mbrosh të vërtetën, i gatshëm për sakrifica, duke bërë gjithcka në funksion të saj. Kjo është ajo pra çfarë kërkon kjo kohë e dytë për ne, për përmbysjen e diktaturës së dytë. Kjo kërkon që secila nga ju, të bëjë gjithçka me të gjithë rrethin e saj, me të gjithë njohjet e saj, se armën më të fuqishme e kemi ne. Arma më e fuqishme e jona janë qytetarët, janë e drejta, e vërteta.”, tha ai.

“Ne duhet të mobilizojmë çdo potencial tonin për të larguar këtë armik, që në aspektin e qenies faktohet armik më i egër se çdo diktator që kemi njohur gjer më sot. Ju falënderoj dhe unë kam shumë besim te ju, se në kontributin tuaj, ju sot jeni shumicë. Dhe nuk jemi vetëm shumicë numerike, por edhe shumicë cilësore. Pra, realisht askush nuk ka më në dorë fatin e këtij vendi, e këtij kombi, e shpresës dhe të ardhmes së tij më shumë se ju.”, shtoi Berisha./ CNA





Lajmet e fundit nga