web counter
LEXO PA REKLAMA!

SHKARKO APP

App Store
Google Play

Influenca ruse në rajon/ Fatmir Mediu: Kuvendi të angazhohet për sigurinë

3 Qershor 2023, 18:36, Politikë CNA
Influenca ruse në rajon/ Fatmir Mediu: Kuvendi të angazhohet për
Kreu i Partisë Republikane, Fatmir Mediu

Kreu i Partisë Republikane, Fatmir Mediu, ka reaguar në lidhje me raportin e Parlamentit Europian për influencën ruse dhe kineze në rajonin e Ballkanit Perëndimor.

Mediu mbështet raportin dhe kërkon që Kuvendi i Shqipërisë të ketë një angazhim të veçantë lidhur me këtë çështje.

Ai përmend sigurinë kibernetike dhe atë ekonomike si një shqetësim të vendit tonë dhe tregon hapat që Parlamenti duhet të marrë për të zvogëluar ekspozimin ndaj kërcënimeve.

Sipas tij, Shqipëria duhet të miratojë ligje si në SHBA për vlerësimin dhe kontrollin e investimeve të huaja që konsiderohen rrezik për sigurinë.

Deklarata e plotë:

Raporti i Parlamentit Europian për sulmet në infrastrukturën ktitike, disinformimin, influencën negative në rajon nga Kina dhe Rusia, kërkojnë një vëmendje dhe angazhim të veçantë të Kuvendit në ushtrimin e përgjegjësive të tij kushtetues.

Sulmet kibernetike në Shqipëri, ndërhyrjet në ekonomi, situata në rajon apo zhvillimet në Kosovë, Malin e Zi, Serbi, Bosnjë dhe Maqedoninë e Veriut.

Siguria Ekonomike nuk është thjeshtë çështje e sasisë së investimeve, por dhe burimi i këtyre investimeve.

Hapi i parë në zvogëlimin e ekspozimit tonë ndaj këtyre kërcënimeve është miratimi nga parlamenti i ligjeve, ashtu si ka ndodh në BE dhe SHBA:

CFIUS laë në SHBA që i jep autoritet Kongresit (Senatit) për vlerësimin dhe kontrollin e investimeve të huaja që konsiderohen rrezik për sigurinë.

Rregullorja e Bashkimit Evropian 2019/452: Shqyrtimi i Investimeve të Huaja Direkte.

Një angazhim i përbashkët politik parlamentar në këtë proces me mbështetjen e SHBA dhe BE është tashmë një detyrim.

Siguria është një çështje që duhet vlerësuar nga Parlamenti në shërbim të interesit kombëtar dhe rolit tonë si vend anëtar i NATO-s./ CNA.al





Lajmet e fundit nga