web counter
LEXO PA REKLAMA!

SHKARKO APP

App Store
Google Play

“Ishte një situatë e vështirë dhe toksike”/ Detaje nga divorci i Brad Pitt dhe Angelina Jolie

6 Korrik 2025, 20:56, Lifestyle CNA

“Ishte një situatë e vështirë dhe toksike”/

Aktori i njohur amerikan Brad Pitt, i cili së fundmi foli në podkastin “Neë Heights” rreth kapërcimit të pengesave, është gati ta lërë të kaluarën pas, pasi ka mësuar nga gabimet e tij në prindërim dhe martesë.

“Divorci ka qenë një gjë që ka dominuar jetën e tij për shumë vite. Ishte një situatë kaq e vështirë dhe toksike. Ai e donte atë dhe e di që bëri gabime”,-tregon një burim i brendshëm për Us Ëeekly ekskluzivisht për ndarjen e tij nga Angelina Jolie.

Pitt dhe Jolie filluan të dilnin bashkë në vitin 2004 dhe u martuan dhjetë vjet më vonë. Ata fillimisht njoftuan ndarjen e tyre në vitin 2016. Divorci i ish-çiftit u finalizua në dhjetor 2024, tetë vjet pas paraqitjes fillestare të kërkesës së divorcit nga Jolie.

Burimi i revistës vëren se ngjarjet që çuan në ndarje dhe pasojat i kthyen fëmijët kundër tij, por Pitt nuk e fajëson Jolie-n për gjithçka.

“Çështja ka mbaruar, por nuk ka fitues. Është e vështirë për të sepse nuk ka një marrëdhënie të mirë me fëmijët e tij” ,-thotë burimi.

Ylli i Hollivudit dhe Jolie kanë gjashtë fëmijë: Maddox, 23 vjeç, Pax, 21 vjeç, Zahara, 20 vjeç, Shiloh, 19 vjeçe, dhe binjakët 16-vjeçarë Vivienne dhe Knox. Marrëdhënia e Pitt me fëmijët e tij ka qenë e tendosur pasi ai dhe Jolie kanë luftuar në gjykatë për kujdestarinë në vitet që nga paraqitja e divorcit./CNA

 





Lajmet e fundit nga