web counter
LEXO PA REKLAMA!

SHKARKO APP

App Store
Google Play

Festohet 90-vjetori i udhëheqësit shpirtëror të budizmit tibetian, Dalai Lama

6 Korrik 2025, 17:02, Lifestyle CNA

Festohet 90-vjetori i udhëheqësit shpirtëror të budizmit

Mijëra besimtarë u dyndën në qytetin himalajan të Dharamshalas në Indi këtë të diel për të festuar 90-vjetorin e Dalai Lamës, udhëheqësit shpirtëror të budizmit tibetian, i cili jeton në mërgim që kur iku nga autoriteti kinez në Tibet në vitin 1959.

 “Kur shikoj prapa në jetën time, shoh se nuk e kam humbur aspak. Unë e jetoj jetën time në shërbim të qenieve të tjera të ndjeshme”,- tha Dalai Lama.

I veshur me një rrobë tradicionale dhe një mbulesë të verdhë të gjatë, Dalai Lama u shoqërua në oborrin e tempullit nga një grup murgjish, ndërsa artistët tibetianë u binin daullebe dhe luanin gajde.

I njohur në mbarë botën për rrobat e tij të kuqe dhe buzëqeshjen e gjerë, Tenzin Gyatso, Dalai Lama i 14-të, e përshkruan veten si një "murg të thjeshtë budist". Por miliona budistë tibetianë e adhurojnë atë si manifestimin e gjallë të Chenrezig, perëndisë budiste të dhembshurisë.

Festa e ditëlindjes kulmoi një javë festimesh, gjatë së cilës fituesi i Çmimit Nobel për Paqen tha se planifikon të ringjallet pas vdekjes së tij, duke i dhënë fund viteve të spekulimeve se ai mund të jetë personi i fundit që do të zërë këtë pozicion





Lajmet e fundit nga