web counter
LEXO PA REKLAMA!

SHKARKO APP

App Store
Google Play

E fundit!

x

VIDEO-Si në hotel me 5 yje/ Brenda qelisë luksoze në burgun e Peqinit

12 Qershor 2026, 16:55, Aktualitet CNA


Një video e publikuar këtë të premte nga gazetari Artan Hoxha ka shfaqur pamje të pazakonta nga një qeli e burgut të Peqinit.

Bëhet fjalë për ambiente luksoze, e pajisur me si televizor, ambiente kuzhine, hapësirë të dedikuar për gardërobë.

Duke folur lidhur me këtë publikim, Hoxha tha në studion e “Euroneës Albania” se bëhet fjalë për qelinë e një personazhi të njohur të botës së krimit.

Ambienti, që nuk ngjason kurrësesi me një ambient të vuajtjes së dënimit është arreduar me materiale të shtrenjta, mur mermeri dhe mobilje të kuruara në detaj.

“Po them unë, hotele nuk ka rastisur të këtij niveli dhe ky lloj arredimi. Shikoni si është dhoma e gatimit aty, dollapët, edhe punimet, shikoni se është shumë interesante.Unë kam parë investime në burg të bëra nga personazhe të botës së krimit, por të këtij niveli mu u duk e pabesueshme. Pra, kjo këtu është dera, dera e qelisë. Dera e qelisë dhe ai kuadrati, dritarja që sheh gardiani. Pra, kjo është qeli në regjimin e brendshëm të burgut të sigurisë së lartë të Peqinit. Pra, siguri e lartë, nuk është një kamp i zakonshëm. Ky personi që është i dënuar, është i burgosur, ky ka bërë videot. Po nuk është qelia e tij. Kjo është qelia e një personazhi shumë të rëndësishëm të botës së krimit, të narkotrafikut, të lojërave të fatit”, tha Hoxha./CNA





Lajmet e fundit nga