web counter
LEXO PA REKLAMA!

SHKARKO APP

App Store
Google Play

Megaoperacioni i SPAK-ut/ Masë sigurie për biznesmenin e njohur

12 Qershor 2026, 11:08, Aktualitet CNA

Megaoperacioni i SPAK-ut/ Masë sigurie për biznesmenin e njohur

SPAK-u, në bashkëpunim me Policinë e Shtetit, ka zhvilluar një operacion ku ka goditur një grup kriminal, i cili ishte i përfshirë në trafikun e drogës dhe pastrimit të parave.

Autoritetet kanë lëshuar dhjetëra masa sigurie ku janë ekzekutuar disa prej tyre.

Masa sigurie janë caktuar për disa shtetas, mes të cilëve edhe ndaj biznesmenit Artur Shehu.

Megaoperacioni i SPAK-ut/ Masë sigurie për biznesmenin e njohur

Ky i fundit është shpallur në kërkim dhe masa ndaj tij nuk është ekzekutuar pasi ndodhet jashtë vendit.

Artur Shehu është biznesmeni, i cili, sipas raportimeve dhe deklarimeve të tij, është pronar i pjesës më të madhe të tokës në Zvërnec, ku është planifikuar ndërtimi i një resorti.

Shehu, në një dalje të tijën në emisionin "Opinion" u shpreh se ishte një pronar i vjetër i tokës.

“Unë jam pronar i vjetër. Unë jam një nga pronarët. Është e gjithë farefisit. Kam 252-253 hektarë me certifikatë pronësie. Hektarët e tjerë janë të familjes së Eqerem bej Vlorës.

Do të vij t’ua shpjegoj të gjitha. Prona është e padiskutueshme e Shehëve. Është pronë e vjetër fare”, tha Shehu.

Po ashtu biznesmeni ishte nën hetim nga SPAK-u dhe në reagimin e tij për këtë fakt, Shehu deklaroi: “SPAK ka punën e saj ta verifikojë. S’kam asgjë me SPAK-un”, tha ai./ CNA





Lajmet e fundit nga