E fundit!

16:55 Aktualitet

VIDEO-Si në hotel me 5 yje/ Brenda qelisë luksoze në burgun e Peqinit

Një video e publikuar këtë të premte nga gazetari Artan Ho...

Ish-prokurori kundër ligjit për barazinë gjinore dhe terapinë hormonale: Sjell diskriminim dhe pasoja ekonomike

12 Qershor 2026, 12:37, Aktualitet CNA

Ish-prokurori kundër ligjit për barazinë gjinore dhe

Ish-prokurori Arjan Ndoja ka kritikuar ashpër politikat dhe legjislacionin për barazinë gjinore, duke deklaruar se, sipas tij, prodhon efekt të kundërt dhe rrit diskriminimin ndaj pjesës tjetër të shoqërisë.

Ai shtoi gjithashtu se këto politika, sipas tij, mund të nxisin edhe ardhjen e individëve nga jashtë vendit që përfitojnë nga “klima ligjore”, duke ndikuar në strukturën sociale dhe ekonomike të vendit.

Një tjetër shqetësim i ngritur prej tij lidhet me sistemin arsimor, ku Ndoja pretendon se ndërhyrjet në edukimin mbi barazinë gjinore mund të ndikojnë te fëmijët dhe mënyra se si ata formojnë perceptimet e tyre.

“Asnjëri nuk e thotë që me ligjin për barazinë gjinore, nëpërmjet mosdiskriminimit, ne kemi rritur diskriminimin për pjesën tjetër. Po e marr në shifra: 1% përfiton, 99 të tjerët diskriminuar për shkak të vendosjes së një tarife prej 30 deri 50% të pjesëmarrjes në aktivitete në fusha të caktuara të ekonomisë. Kjo është konkurrencë e padrejtë ekonomike në aspektin horizontal dhe vertikal. E kemi bërë me ligj.

Çfarë kemi bërë nëpërmjet kësaj? Kemi inkurajuar që të vijnë njerëz nga jashtë që kanë prirje të tilla, të përfitojnë nga kjo klimë ligjore, të jetojnë këtu dhe të marrin pasaportat që demagogu bën për sportin, por me qëllim tjetër. Të kenë bazën ligjore dhe ca para për të ardhur dhe ushtruar aktivitetet e tyre. Klima është e mirë, ushqimi është i mirë. Por po e shpopullojmë vendin tonë për ta ripopulluar, jo me qytetarët tanë, por me të tjerë.

E treta, ndërhyjmë te faza më fragjile e shoqërisë: fëmijët, edukimi në shkolla. Ta bëjmë të detyrueshëm edukimin në shkolla, që një fëmijë i cili është si sfungjer të mësojë automatikisht. Edhe figura emblemë si Spidermani, fillon të perceptohet si normale.

Pra, imagjinoni te fëmijët. Ligji ka efekte negative, por shihen thjesht si përkatësi gjinore. Kush i kontrollon këta njerëz në darkë apo çfarë bëjnë brenda ambienteve të mbyllura? Nuk ka komision që të vetëdeklarohen apo që të certifikojë këto. Sot deklarohen 'jam ai', nesër 'jam ajo'”, deklaron Ndoja./ CNA