Operacioni “Stuhia 8”/ Kapet "skifteri" në Vlorë, në banesën e tij gjenden mbi 50 mijë euro të falsifikuara

18 Nëntor 2023, 11:19, Kronika CNA

Operacioni “Stuhia 8”/ Kapet "skifteri" në

Policia e Vlorës ka zhvilluar operacionin “Storm 8” kundër veprës kriminale të vjedhjes.

Në pranga është vënë shtetasi M.A, 41-vjeç, i cili është arrestuar pasi kishte vjedhur në banesën e një shtetase në rrugën Hajro Çakërri.

Pas arrestimit, policia ka ushtruar kontroll në banesën e tij ku janë gjetur 41 900 euro të dyshuara të falsifikuara, 10950 dollarë të dyshuar të falsifikuar, një dedektor për GPS, një palë targa të huaja, automjetin e dyshuar të përdorur në vjedhje, dy celularë, veshjet e përdorurua nga ky shtetas, një kapele kamuflazhi dhe një palë doreza.

Ndërkohë vijojnë kërkimet për bashkëpunëtorin e 41-vjeçarit.

“Vlorë/Finalizohet operacioni policor i koduar “Storm 8”, kundër veprimtarisë kriminale të vjedhjes.

Vodhën një shumë parash në një banesë, në qytetin e Vlorës, identifikohet, kapet dhe vihet në pranga njëri prej autorëve të dyshuar, punohet për identifikimin dhe kapjen e bashkëpunëtorit.

I arrestuari, me precedent të mëparshëm penal në fushën e narkotikëve dhe armëmbajtjes pa leje.

Në banesën e tij, Policia gjeti dhe sekuestroi shuma parash në euro dhe dollarë, të dyshuara të falsifikuara, një dedektor për GPS, një palë targa, automjetin e dyshuar të përdorur në vjedhje, dy celularë dhe veshjet e përdorura gjatë vjedhjes.

Shërbimet e Komisariatit të Policisë Vlorë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë ligjore, pas një pune të mirëfilltë hetimore, organizuan operacionin policor të koduar “Storm 8”, në kuadër të të cilit bënë të mundur identifikimin, kapjen dhe vënien në pranga të shtetasit:

M. A., 41 vjeç, banues në fshatin Babicë e Madhe, me precedent të mëparshëm penal në fushën e narkotikëve dhe armëmbajtjes pa leje.

41-vjeçari dyshohet se në bashkëpunim me një tjetër shtetas (vijon puna për identifikimin dhe kapjen e tij) kanë vjedhur një shumë parash, në banesën e një shtetaseje, në lagjen “Hajro Çakërri”.

Gjatë kontrollit në banesën e të arrestuarit, shërbimet e Policisë gjetën dhe sekuestruan 41 900 euro të dyshuara të falsifikuara, 10950 dollarë të dyshuar të falsifikuar, një dedektor për GPS, një palë targa të huaja, automjetin e dyshuar të përdorur në vjedhje, dy celularë, veshjet e përdorurua nga ky shtetas, një kapele kamuflazhi dhe një palë doreza.

Vijojnë veprimet hetimore për zbardhjen dhe dokumentimin e vjedhjeve të tjera që mund të jenë kryer nga këta shtetas.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme”, njofton policia./ CNA