web counter
LEXO PA REKLAMA!

SHKARKO APP

App Store
Google Play

Lul Morina thirret në SPAK/ Një vit më parë iu sekuestrua pallati 9-katësh

9 Tetor 2023, 12:08, Kronika CNA
Lul Morina thirret në SPAK/ Një vit më parë iu sekuestrua
Biznesmeni Julian Morina, i njohur ndryshe si Lul Morina

Biznesmeni Julian Morina, i njohur ndryshe si Lul Morina, është paraqitur këtë të hënë në SPAK.

Ai është thirrur nga Byroja Kombëtare e Hetimit për të dhënë deklarime.

Nga informacionet paraprake, ende nuk është konfirmuar çështja për të cilën po pyetet Lul Morina.

Por kujtojmë se në shtator të 2022-shit, biznesmenit iu sekuestrua një pallat 9-katësh në zonën e Farkës nga Qeveria, pasi rezultonte si ndërtesë pa leje.

Kërkesa e Morinës për legalizimin e ndërtesës që dy kate i ka nën tokë, ishte refuzuar, por kjo nuk e pengoi biznesmenin të ndërtojë një pallat pa leje.

Lul Morina është denoncuar edhe më parë nga mediat për ndërtim pa leje. Për të është raportuar disa vite më parë se kishte ndërtuar pa leje në Dhërmi, nën neglizhencën totale të autoriteteve shtetërore.

Biznesmeni ndërtoi resortin “Drymades Dream” në ortakëri me dy vëllezërit indianë që kërkoheshin ndërkombëtarisht për pastrim parash, Nitin Sandesara dhe Chetankumar Sandesara.

Sipas dokumenteve zyrtare, rezulton se Julian Morina i kishte shitur 50% të aksioneve të resortit kompanisë “Laxmi Reale Estate & Investment”, kompani kjo që zotërohej nga dy vëllezër indianë.

Morina i mbrojti lidhjet e tij me familjen Sandesaras për OCCRP duke u përgjigjur se ato ishin “të persekutuar nga shteti i tyre për qasjet politike dhe unë i besoj që janë njerëz të ndershëm.”/ CNA





Lajmet e fundit nga